Sigursælasti ökuþór NASCAR látinn langt fyrir aldur fram

Busch varð tvívegis bikarmeistari NASCAR og hafði unnið fleiri keppnir en nokkur annar ökumaður. 

Ferli hans var ekki lokið og Busch keppti í New York fyrir aðeins átta dögum síðan. Eftir þann kappakstur heyrðist hann biðja liðsstjórann um „skot“ sem hann sagði vera vegna kvefs og kinnholubólgu. 

Fjölskylda hans greindi frá andlátinu í yfirlýsingu, þar sem segir að Busch hafi látist eftir dvöl á spítala. 

Dánarorsök var ekki gefin upp en fyrir þremur dögum greindi fjölskyldan frá því að Busch glímdi við alvarleg veikindi. 

„NASCAR fjölskyldan syrgir fráfall Kyle Busch, framtíðarmanns í frægðarhöllinni. Kyle hafði einstaka hæfileika, sem brjótast aðeins fram einu sinni hjá hverri kynslóð. Hann óttaðist ekkert og bjó yfir mikilli ástríðu, ásamt ótrúlegum hæfileikum og djúpum áhuga á íþróttinni og aðdáendum hennar," segir í tilkynningu NASCAR.