Strákarnir hans Dags unnu Svía

Svíar unnu fyrri leikinn gegn Króötum í Kristianstad, 34-31, á miðvikudaginn.

Króatar náðu fram hefndum í dag og unnu fjögurra marka sigur, 35-31.

Jafnræði var með liðunum framan af leik en Króatarnir hans Dags Sigurðssonar breyttu stöðunni úr 10-10 í 13-10 um miðbik fyrri hálfleiks og leiddu það sem eftir lifði leiks. Í hálfleik munaði tveimur mörkum á liðunum, 18-16.

Króatía skoraði fyrstu tvö mörkin í seinni hálfleik og komst fjórum mörkum yfir, 20-18. Svíþjóð gafst ekki upp og minnkaði muninn nokkrum sinnum í eitt mark.

Þegar fjórar og hálf mínúta var eftir skoraði Felix Claar og munurinn á liðunum aðeins eitt mark, 31-30. Króatar kláruðu hins vegar dæmið með því að skora næstu þrjú mörk og þeir unnu á endanum góðan sigur, 35-31.

Leon Ljevar skoraði sex mörk fyrir Króatíu og Mario Sostaric og Ivan Martinovic fimm mörk hvor. Nikola Roganovic var markahæstur hjá Svíþjóð, og á vellinum, með ellefu mörk.