Mendoza valinn fyrstur í nýliðavalinu

Það kom ekkert á óvart að Las Vegas Raiders skildi velja leikstjórnandann Fernando Mendoza fyrstan í valinu. Mendoza leiddi Indiana Hoosiers til meistaratitils í háskólaboltanum síðasta vetur og sjálfur fékk hann Heisman-verðlaunin eftirsóttu fyrir að vera besti leikmaður háskólaboltans.

New York-liðin völdu bæði sterka varnarmenn en Arizona valdi hlauparann Jeremiyah Love með sínu þriðja vali. Einstakur hæfileikmaður þar á ferðinni.

Fyrsta óvænta valið kom snemma er Tennessee Titans valdi útherjann Carnell Tate með fjórða valinu. Það þótti djarft val enda langt frá því að allir séu á því að hann hafi verið besti útherjinn í valinu. Leikstjórnandi Titans, Cam Ward, fær þó nýtt vopn og ekki veitir af.

Óvæntasta val kvöldsins kom aftur á móti í þrettánda valinu er LA Rams valdi leikstjórnandann Ty Simpson. Eitthvað sem enginn átti von á. Frábær leikstjórnandi og Rams augljóslega að hugsa til framtíðar. Rams er aftur á móti með Matthew Stafford sem leikstjórnanda og sá var valinn besti leikmaður deildarinnar á síðustu leiktíð.

Sean McVay, þjálfari Rams, ætlar sér að stefna á titil næsta vetur og það var augljóst að hann var brjálaður yfir þessu vali. Hann vildi fá nýtt sóknarvopn sem myndi hjálpa liðinu að fara alla leið.

Philadelphia Eagles kom á óvart er liðið náði að moka sér ofar í valinu til þess að velja útherjann Makai Lemon. Hann var í símtali við Pittsburgh Steelers sem ætlaði að velja hann en Eagles stal honum. Þetta skref Eagles þýðir líklega að tíma AJ Brown hjá Eagles sé lokið.

Dallas Cowboys hefur síðustu ár verið með svarta beltið í að klúðra nýliðavalinu en þeir fengu mikið hrós fyrir sína frammistöðu í nótt en Dallas valdi tvisvar í fyrstu umferðinni.