Kosningapallborð frétta­stofu: Mun Sjálf­stæðis­flokkurinn halda velli í Garða­bæ?

Almar Guðmundsson, oddviti Sjálfstæðisflokksins, Þorbjörg Þorvaldsdóttir, oddviti Garðabæjarlistans, Guðlaugur Kristmundsson, oddviti Viðreisnar, Hlynur Bæringsson, oddviti Framsóknarflokksins, Kjartan Atli Kjartansson, oddviti Samfylkingarinnar, og Lárus Guðmundsson, oddviti Miðflokksins, munu koma saman í líflegum og fræðandi umræðum um það sem vel hefur gengið og það sem betur mætti fara í Garðabæ.

 Íbúum í Garðabæ fjölgar hraðar en annars staðar á höfuðborgarsvæðinu og yfir stendur talsverð uppbygging í sveitarfélaginu. Áform um uppbyggingu á Álftanesi og Arnarlandi hafa verið töluvert á milli tannanna á íbúum. Við munum ræða þessi mál og mörg önnur en meðal þess sem verður undir smásjánni eru leikskólamál, samgöngumál og málefni fatlaðra.

Pallborðið verður í beinni útsendingu hér á Vísi og í sjónvarpinu á Vísi á slaginu 14.00. Spilari birtist hér fyrir neðan þegar nær dregur.