Innlent

Lundinn sestur upp í Hafnarhólma

Gunnar Reynir Valþórsson skrifar
Lundinn þykir vorboði á Borgarfirði eystri og bíða menn komu hans með eftirvæntingu.
Lundinn þykir vorboði á Borgarfirði eystri og bíða menn komu hans með eftirvæntingu. Vísir/Vilhelm

Lundinn settist upp í Hafnarhólma á Borgarfirði eystri fyrir helgi en þar um slóðir er koma lundans til merkis um að vorið sé á allra næstu grösum.

 Á heimasíðu Múlaþings segir að á þessum tíma árs séu Borgfirðingar á útkíkkinu eftir fuglinum og til hans sást á fimmtudagskvöldið. „Talið er að í Hafnarhólma dvelji að jafnaði um 10.000 pör yfir sumartímann og óvíða er þægilegra að berja lundann og aðra sjófugla eins og ritu, silfurmáf, fýl og æðarfugl augum“, segir ennfremur í færslunni en hægt er að fylgjast með fuglalífinu í Hafnarhólma í gegnum vefmyndavél.

Lóan sást hér á landi í síðasta mánuði og Krían á dögunum og í frétt Vísis um þau tímamót var tekið til þess að hún væri óvenju snemma á ferðinni þetta árið. 

Fuglar Múlaþing

Mest lesið


Fleiri fréttir

Sjá meira


×

Mest lesið