Fékk starfið sem Guð­mundur var orðaður við

Schmid mun sinna þjálfun HC Krienz-Luzern samhliða þjálfun svissneska landsliðsins en hann var sjálfur á mála hjá félaginu á sínum tíma sem leikmaður.

Í svissneskum miðlum fyrir ekki svo löngu síðan var Guðmundur Þórður Guðmundsson, fyrrverandi landsliðsþjálfari Íslands og nú síðast þjálfari danska úrvalsdeildarfélagsins Fredericia orðaður við starfið.

Í samtali við íþróttadeild Sýnar undir lok nóvember á síðasta ári sagðist Guðmundur ekki loka á neitt hvað varðar framhaldið í þjálfun en að það kæmi einnig til greina að snúa sér að einhverju allt öðru.

Þjálfarinn reynslumikli hefur varið miklum tíma hér heima á Íslandi eftir að leiðir hans og Frederica skildu.

„Undan­farin sex­tán ár hefur mér liðið eins og ég sé gestur í mínu eigin heima­landi. Ég hef verið að koma hingað í stuttan tíma yfir jólin og fer svo aftur. Yfir sumartímann hafa verið mis­löng fríin, allt niður í þrjár vikur. Þá er maður að reyna gera allt mögu­legt á stuttum tíma og hefur aldrei liðið eins og maður sé heima. Þetta er í fyrsta skipti í mjög langan tíma sem mér líður eins og ég sé kominn heim.“