Viðskipti innlent

Breytingar á stjórn Sýnar

Sólrún Dögg Jósefsdóttir skrifar
Aðalfundur Sýnar 2026 fór fram í húsakynnum félagsins við Suðurlandsbraut í dag.
Aðalfundur Sýnar 2026 fór fram í húsakynnum félagsins við Suðurlandsbraut í dag. Vísir/Anton Brink

Breytingar urðu á stjórn Sýnar á aðalfundi félagsins í dag. Páll Gíslason hefur lokið stjórnarsetu sinni og Rannveig Eir Einarsdóttir, framkvæmdastjóri Reir verk, var kjörin í hans stað, þvert á tillögur tilnefningarnefndar. 

Sex voru í framboði til stjórnarsetu en það voru Hákon Stefánsson, Heiðrún Lind Marteinsdóttir, Petrea Ingileif Guðmundsóttir og Ragnar Páll Dyer, sem þegar sitja í stjórn Sýnar, auk Rannveigar Eirar Einarsdóttur og Kjartans Briem. 

Tilnefningarnefnd lagði til að Kjartan tæki sæti Páls í stjórninni en Rannveig Eir náði kjöri á aðalfundinum.

Kjartan var framkvæmdastjóri tæknisviðs Vodafone árin 2009-2020 en Sýn er móðurfélag Vodafone. Hann er í dag framkvæmdastjóri Avians, áður Isavia ANS. 

Í kauphallartilkynningu fyrr í vikunni kom fram að fram færi margfeldiskosning að beiðni hluthafa sem eiga tíu prósent eða stærri hlut í Sýn. 

Ný stjórn félagsins er samkvæmt fundargerð eftirfarandi.

  • Hákon Stefánsson 
  • Heiðrún Lind Marteinsdóttir 
  • Petrea Ingileif Guðmundsdóttir 
  • Ragnar Páll Dyer 
  • Rannveig Eir Einarsdóttir

Daði Kristjánsson og Ingibjörg Ásdís Ragnarsdóttir voru sjálfkjörin til varastjórnar á fundinum. 

Vísir er í eigu Sýnar. 

Sýn Vistaskipti


Mest lesið


Fleiri fréttir

Sjá meira


×

Mest lesið