Eitt­hvað hörmu­legt þurfi að eiga sér stað svo McGregor berjist ekki í júlí

Helwani segir Conor McGregor hafa átt árangursríkan fund með forráðamönnum UFC fyrir tveimur vikum síðan.

„Ég er að segja ykkur það. Eitthvað hörmulegt mun þurfa að eiga sér stað til þess að koma í veg fyrir að McGregor berjist á bardagakvöldi UFC þann 11. júlí seinna á þessu ári.“

Ekki eru allir á eitt sáttir með stöðuna hjá UFC þessa dagana, einhverjum finnst margrómað bardagakvöld sem á að eiga sér stað hjá Hvíta húsinu í Bandaríkjunum ekki bjóða upp á þá bardaga sem vonast var eftir og þá virðist vera mikil spenna ríkjandi fyrir bardagakvöldi MVP sem sýna á frá á Netflix. 

„UFC þarf þetta meira en nokkru sinni áður,“ segir Helwani um mögulegan endurkomubardaga McGregor sem er án efsta stærsta MMA nafn sögunnar. „Forráðamenn UFC þurfa gera allt sem í þeirra valdi stendur til þess að láta þetta verða að veruleika.“

McGregor hefur oft á tíðum komið sér í kastljósið undanfarin ár og oftar en ekki í miður skemmtilegum málum þar sem hann hefur verið ásakaður um kynferðisbrot og líkamsárásir.

McGregor varð á sínum tíma sá fyrsti til þess að verða ríkjandi meistari í tveimur þyngdar­flokkum á sama tíma í UFC. Hann hefur hins vegar ekki barist síðan í júlí árið 2021 þegar að hann laut í lægra haldi gegn Dustin Poiri­er.