Hring­veginum lokað, snjó­flóð og flughálka

Þetta kemur fram á umferðin.is, vefsíðu Vegagerðarinnar. Þar er einnig viðvörun í gildi vegna flughálku frá Öræfasveit að Kvískerjum. Nánari upplýsingar um opnunartíma Fagradals koma klukkan tíu.

Á höfuðborgarsvæðinu er krapi víða og töluverður snjór. Einnig er krapi á Reykjanesbraut og Grindavíkurvegi. Þæfingur er á Krýsuvíkurvegi og á milli Grundarfjarðar og Vatnaleiðar.

Dynjandisheiði hefur verið lokuð alla helgina vegna veðurs en víða á Vestfjörðum er snjóþekja, hálka og hálkublettir. 

Á Norðurlandi var Almenningum, hluti af Siglufjarðarvegi, lokað vegna snjóflóðs sem féll þar og einnig hefur Víkurskarði verið lokað. Þæfingur er í Köldukinn og frá Húsavík að Máná. Þungfært er á Grenivíkurvegi. Ófært er um Hófaskarð og þæfingur á Hólaheiði.