Frið­rik Leó á­fram en Birgir Leifur úr leik í Marsfárinu

Leikið var í 32-liða úrslitum í bandaríska háskólakörfuboltanum í nótt. Nebraska Huskers mættu Vanderbilt og voru lengi vel með nokkuð örugga forystu.

Lið Vanderbilt sótti hressilega á undir lok leiks en Nebraska stóð af sér endurkomuna og vann nauman 74-72 sigur þökk sé sigurkörfu Pryce Sandfort þegar 2,2 sekúndur voru eftir.

Nebraska kemst því í fyrsta skipti í sögunni í 16-liða úrslitin. Friðrik Leó Curtis skoraði tvö stig fyrir Nebraska í leiknum.

Birgir Leifur Ivey kom þá ekki við sögu með liði High Point Panthers sem þurfti að þola 94-88 tap fyrir Arkansas Razorbacks.

Nebraska mætir annað hvort Florida Gators eða Iowa Hawkeyes í næstu umferð.