Franskur hermaður féll í drónaárás í Írak

Samúel Karl Ólason skrifar 13. mars 2026 08:04

Emmanuel Macron, forseti Frakklands, segir árásina á franska hermenn í Írak óréttlætanlega. AP/Abdul Saboor

Emmanuel Macron, forseti Frakklands, fordæmdi í nótt drónaárás í norðurhluta Íraks. Nokkrir franskir hermenn særðust og einn yfirmaður lét lífið í árásinni. Hermennirnir hafa verið að þjálfa írakska Kúrda í að berjast gegn vígahópum á svæðinu.

Nokkur hundruð franskra hermanna eru á svæðinu þar sem þeir hafa þjálfað Íraka og tekið þátt í baráttunni gegn vígamönnum Íslamska ríkisins í gegnum árin.

Skömmu áður en árásin var gerð höfðu Íranir gert árás á ítalska herstöð á svæðinu þar sem þjálfun fer einnig fram, samkvæmt frétt Reuters.

Í yfirlýsingu sem hann sendi frá sér í nótt sagði Macron að hermaðurinn Arnaud Frion hefði dáið fyrir Frakkland. Þá sagði hann að árásin frá Íran, sem beinst hefði gegn hermönnum sem hefðu tekið þátt í baráttunni gegn ISIS frá árinu 2015 væri óásættanleg.

Hermennirnir væru löglega í Írak að berjast gegn hryðjuverkastarfsemi og að stríðið í Íran réttlætti ekki þessa árás.

L’adjudant-chef Arnaud Frion du 7ème bataillon de chasseurs alpins de Varces est mort pour la France lors d’une attaque dans la région d’Erbil en Irak.

À sa famille, à ses frères d’armes, je veux dire toute l’affection et la solidarité de la Nation.

Plusieurs de nos militaires…
— Emmanuel Macron (@EmmanuelMacron) March 13, 2026

Ekki er hægt að segja með vissu hvaðan dróninn sem um ræðir kom. Hann gæti hafa komið frá Íran en sveitir sjíta í Írak sem notið hafa stuðnings klerkastjórnarinnar í Íran hafa á undanförnum dögum gert dróna- og eldflaugaárásir gegn Bandaríkjamönnum í Írak.

Frakkland Írak Hernaður Íran Árásir Bandaríkjanna og Ísraels á Íran

Tengdar fréttir

Virðast ekki hafa gert ráð fyrir að sundið myndi lokast

Stjórnvöld í Washington eru sögð hafa misreiknað sig verulega við skipulagningu aðgerðanna gegn Íran og ekki gert ráð fyrir því að þarlend yfirvöld myndu reynast viljug til að loka Hormuz-sundi.

13. mars 2026 07:53

Ekkert lát á árásum Ísraela og hvatt til rýmingar á stóru svæði

Ísraelsher hefur haldið árásum sínum á suðurhluta Líbanon áfram og hefur nú beint þeim tilmælum til íbúa á stóru svæði sem nær til nokkurra borga og fjölda þorpa að flýja heimili sín og halda norður.

13. mars 2026 06:49

Bandarísk herflugvél fórst í Írak

Björgunaraðgerðir eru hafnar eftir að bandarísk herflugvél sem ætlað var að flytja eldsneyti fórst í Írak. Þetta kemur fram í tilkynningu sem yfirstjórn herafla Bandaríkjanna í Miðausturlöndum sendi frá sér í dag. Þar greinir einnig frá því að tvær herflugvélar hafi átt hlut að máli en að önnur þeirra hafi lent heilu og höldnu á meðan hin fórst í vesturhluta Íraks.

12. mars 2026 23:29

Khamenei heitir því að halda Hormússundi lokuðu

Mojtaba Khamenei, sem tók nýverið við embætti æðstaklerks Íran af föður sínum, heitir því að halda Hormússundi lokuðu. Hann segir einnig að árásir á nágrannaríki Íran muni halda áfram og þá sérstaklega á bandarískar herstöðvar í þessum ríkjum.

12. mars 2026 14:10