Stór­stjarnan flytur til Dúbaí í miðju stríði

Nokkrir alþjóðlegir miðlar greina frá flutningsáformum Joshua frá Bretlandi.

Í skjölum sem lögð voru fram á föstudag kemur fram að Dúbaí verði nýr heimilisstaður atvinnuhnefaleikakappans. Þetta eru ekki áform sem hafa breyst þrátt fyrir stríðið í Mið-Austurlöndum.

Sameinuðu arabísku furstadæmin eru eitt þeirra landa sem hafa orðið fyrir árásum síðan Bandaríkin og Ísrael réðust sameiginlega á Íran.

Einn sem flutti löngu fyrir stríðið, eins og Joshua ætlar nú að gera, er Rio Ferdinand, fyrrverandi varnarmaður Manchester United. Nú er lífið ekki eins og venjulega hjá fótboltahetjunni.

„Það er ógnvekjandi þegar maður heyrir flugskeyti, flugvélar og orrustuþotur. Ég veit ekki hvað það er sem flýgur yfir okkur og maður heyrir stórar sprengjur,“ sagði Ferdinand, samkvæmt Manchester Evening News.

Það er ekki bara vegna hlýja loftslagsins sem margt ríkt fólk kýs að flytja til Dúbaí. Það gerir það líka til að hámarka eignir sínar þökk sé hagstæðu skattkerfi. En einnig vegna persónulegs öryggis og lúxuslífsstíls.

Samkvæmt Daily Mail greiddi fyrirtæki Joshua meira en milljarð í íslenskum krónum í skatt í Bretlandi árið 2024. Í Dúbaí er enginn tekjuskattur og skattur á fyrirtæki er mun lægri.

Í vetur lenti Joshua í bílslysi þar sem tveir vinir hans létust. Atvinnuhnefaleikakappinn var í bílnum en slapp með minni háttar meiðsl. Það er enn óljóst hvort hann muni halda ferlinum áfram.