Sport

Enn lengist rúm­lega aldar bið Breta eftir krullugulli

Ingvi Þór Sæmundsson skrifar
Kanadamenn fagna sigrinum á Bretum í úrslitaleiknum í krullu karla á Vetrarólympíuleikunum í Mílanó og Cortina.
Kanadamenn fagna sigrinum á Bretum í úrslitaleiknum í krullu karla á Vetrarólympíuleikunum í Mílanó og Cortina. getty/Mattia Ozbot

Bretland laut í lægra haldi fyrir Kanada í úrslitaleik í krullu karla á Vetrarólympíuleikunum í kvöld. Bretar hafa ekki unnið gullverðlaun í greininni síðan 1924.

Bretar eru heimsmeistarar í krullu karla og gerðu sér vonir um að binda endi á 102 ára langa bið eftir Ólympíugulli í greininni.

Það gerðist þó ekki og aðra Vetrarólympíuleikana í röð varð breska krullulandsliðið að gera sér silfur að góðu.

Bretland tapaði fyrir Svíþjóð í úrslitaleiknum á Vetrarólympíuleikunum í Peking 2022 og að þessu sinni töpuðu Bretar fyrir Kanadamönnum, 9-6. 

Bretland vann gull þegar fyrst var keppt í krullu á Vetrarólympíuleikunum í Chamonix í Frakklandi 1924. Ekki var aftur keppt í krullu fyrr en í Nagano í Japan 1998.

Síðan þá hafa Kanadamenn unnið fern gullverðlaun og Norðmenn, Bandaríkjamenn og Svíar ein hver.

Vetrarólympíuleikar 2026 í Mílanó og Cortina

Mest lesið


Fleiri fréttir

Sjá meira


×

Mest lesið