Játa að hafa valdið dauða frjálsíþrótta­manns á æfingu

Hayayei, sem var frá Sameinuðu arabísku furstadæmunum, lést sumarið 2017 aðeins 36 ára að aldri.

Hann var við æfingar í London, í íþróttamiðstöðinni í Newham, þegar málmstöng úr kastbúrinu á frjálsíþróttavellinum féll ofan á hann með þeim afleiðingum að hann lést. 

Hayayei hafði verið að undirbúa sig fyrir HM fatlaðra í frjálsum íþróttum en hann keppti einnig á Paralympics í Ríó árið 2016.

Fleira íþróttafólk og þjálfarar frá nokkrum löndum voru á staðnum þegar slysið átti sér stað.

Samkvæmt ákæru á hendur breska frjálsíþróttasambandinu var kastbúrið sett upp án grunnsins sem nauðsynlegur er til að halda því stöðugu.

Frjálsíþróttasambandið hefur nú játað á sig manndráp af gáleysi en hafði áður neitað sök í málinu sem tekið verður fyrir í byrjun júní.

Hinn 78 ára gamli Keith Davies, yfirmaður íþróttamála vegna HM fatlaðra í frjálsíþróttum 2017, neitaði sök varðandi manndráp af gáleysi en hefur játað sök vegna ákæra sem snúast um að hafa ekki tryggt heilsu og öryggi.