Sport

Medalíur að skemmast á Vetrar­ólympíu­leikunum

Aron Guðmundsson skrifar
Gullmedalía sem veitt var sigurvegara á Vetrarólympíuleikunum sem nú standa yfir á Ítalíu
Gullmedalía sem veitt var sigurvegara á Vetrarólympíuleikunum sem nú standa yfir á Ítalíu Vísir/Getty

Skipu­leggj­endur Vetrarólympíu­leikanna sem nú standa yfir á Ítalíu segjast leggja allt sitt þessa stundina í að komast að því af hverju medalíur sumra verð­launa­hafa á leikunum séu að skemmast.

Það er BBC sem að greinir frá málinu í dag en að minnsta kosti tveir verðlaunahafar frá Bandaríkjunum á leikunum hafa lent í því að verðlaunapeningurinn sjálfur hafi losnað af borðanum sem þeim fylgir. 

Þá hefur verðlaunahafi frá Þýskalandi einnig lent í því sama og Andrea Francisi, framkvæmdarstjóri Vetrarólympíuleikanna segir málið í skoðun. 

„Við erum að leggja allt okkar í að skoða þetta. Við viljum að medalíurnar séu fullkomnar vegna þess að um er að ræða afar mikilvægan áfanga fyrir íþróttafólkið sem vinnur til slíkra verðlaunagripa.“

Þetta er ekki í fyrsta skiptið sem upp koma vandamál í tengslum við medalíur á Ólympíuleikum. Tvöhundruð og tuttugu umsóknir hafa borist frá verðlaunahöfum á Ólympíuleikunum í París árið 2024 sökum óvenjulegra skemmda á medalíum þeirra.

Vetrarólympíuleikar 2026 í Mílanó og Cortina

Mest lesið


Fleiri fréttir

Sjá meira


×

Mest lesið