Pissaði gróf skila­boð til ICE-sveitarinnar í Ólympíusnjóinn

Kenworthy deildi myndinni, þar sem blótsyrði fór á undan „ICE“, á Instagram viku áður en hann á að keppa á Vetrarólympíuleikunum á Ítalíu.

Talsmaður Alþjóðaólympíunefndarinnar sagði við Press Association að Kenworthy yrði ekki refsað fyrir færsluna. Breska ríkisútvarpið sagði frá.

„Á Ólympíuleikunum hafa allir þátttakendur tækifæri til að tjá skoðanir sínar samkvæmt leiðbeiningum um tjáningu íþróttamanna. Alþjóðaólympíunefndin setur ekki reglur um persónulegar færslur á samfélagsmiðlum,“ sagði hann.

Í Instagram-færslu sinni bætti Kenworthy við: „Saklaust fólk hefur verið myrt og nóg er komið. Við getum ekki beðið á meðan ICE heldur áfram að starfa með óheft vald í samfélögum okkar,“ skrifaði Kenworthy.

Bandaríkin sögðust myndu senda ICE-fulltrúa á leikana til að styðja við öryggisaðgerðir Bandaríkjanna, sem vakti reiði ítalska utanríkisráðuneytisins og borgara.

JD Vance varaforseti Bandaríkjanna og Marco Rubio utanríkisráðherra eru í Mílanó vegna opnunarhátíðarinnar á föstudag á San Siro-leikvanginum og horfðu á opnunarleik bandaríska íshokkíliðsins á fimmtudag.

Kenworthy, 34 ára, fæddist í Chelmsford en hefur búið í Bandaríkjunum mestan hluta ævi sinnar.

Hann vann silfur í skíðasnjóbretti á leikunum í Sotsjí 2014 þegar hann keppti fyrir Bandaríkin, auk fimm verðlauna á X Games.

Hann skipti yfir í breska landsliðið árið 2019, keppti á Vetrarólympíuleikunum 2022 í Peking og mun taka þátt í snjóbrettakeppni karla á hálfpípu, en undankeppnin hefst 19. febrúar í Livigno á Ítalíu.