„Maður lítur oft kjána­lega út í þessum þætti en lík­lega aldrei meira en núna“

„Það er nú ýmislegt sem við félagarnir erum búnir að bralla á tímabilinu og við ætlum að vera með smá upprifjun á því,“ sagði Andri Ólafsson og setti syrpuna í loftið.

Áður en kom að því tóku sumir eftir að einn sérfræðinganna var eitthvað stressaður yfir því sem var að detta í loftið.

„Úff,“ var það fyrsta sem heyrðist í Henry Birgi Gunnarssyni. „Ertu strax orðinn stressaður,“ spurði Eiríkur Stefán Ásgeirsson.

„Ég er ekki tilbúinn í þetta,“ sagði Henry Birgir. „Ég er bara mjög rólegur,“ sagði Eiríkur hlæjandi.

„Þetta er náttúrulega fáránlegasta tímabil í heimi. Maður lítur oft kjánalega út í þessum þætti en líklega aldrei meira en núna. Ég veit ekki hvað mun koma en ég veit að það er vont,“ sagði Henry.

„Við erum bara að búa til sjónvarpsefni. Allt í góðu,“ sagði Eiríkur.

„Við erum með smá syrpu bara til að ræsa vélarnar. Það er svona eitt og annað skemmtilegt sem við vorum að bralla á þessu tímabili,“ sagði Andri. Það var mikið hlegið og mikið grínað, bæði í settinu þá og svo á eftir líka.

Það má sjá myndbandið hér fyrir neðan.

Super Bowl verður í beinni útsendingu á Sýn Sport á sunnudaginn. Lokasóknin verður í beinni, hitar vel upp fyrir leikinn og fylgir honum síðan þar til úrslitin eru ráðin og nýr Super Bowl-meistari hefur verið krýndur.