JD Vance með þrjú hundruð öryggis­verði á Ólympíu­leikunum

Setningarhátíð leikanna fer fram á San Siro-leikvanginum í Mílanó í kvöld.

JD Vance er einn þeirra þjóðarleiðtoga sem verða viðstaddir og hefur koma hans til Ítalíu þegar vakið athygli.

Varaforsetinn lenti ásamt fjölskyldu sinni á Malpensa-flugvelli, norður af Mílanó. Þau komu með fjórtán flugvélum og þrjú hundruð öryggisvörðum sem hafa það hlutverk að vernda Vance og fjölskyldu hans. Það kostar því sitt að senda varaforseta Bandaríkjanna á viðburð sem þennan.

Varaforsetinn JD Vance og frú Usha Vance mættu til Mílanó með tvö börn sín.

JD Vance horfði fyrstur á íshokkíleik Bandaríkjanna og Tékklands.

Fjölskyldan gekk út á rauðan dregil og heilsaði embættismönnum, þar á meðal sendiherra Bandaríkjanna á Ítalíu, Tilman Fertitta.

Þrjár af 14 flugvélum voru fraktvélar. Ein vélin flutti mat frá Bandaríkjunum fyrir bandarísku sendinefndina og í hinum tveimur voru brynvarin farartæki sem notuð verða við ferðalög, að því er Pamfleti greinir frá.