Viðreisnarfélögum fjölgað um helming fyrir próf­kjör

Prófkjörið fer fram næsta laugardag 31. janúar og verður um að ræða rafræna kosningu. Hún hefst klukkan 00:01 og lýkur klukkan 18:00. Niðurstaðan verður kynnt á Petersen-svítunni klukkan 19 sama dag. 

Fjögur eru í framboði: Aðalsteinn Leifsson, Björg Magnúsdóttir, Róbert Ragnarsson og Signý Sigurðardóttir. Þau mætast öll í pallborði á Vísi klukkan 14 í dag. 

Þau mættust einnig í pallborðsumræðum í Austurbæjarbíó í gær. Fjallað var um það á Vísi í gær.

Flokkurinn situr nú utan meirihluta í borginni. Hann mælist samkvæmt könnun Maskínu sem gerð var í síðasta mánuði með tólf prósenta fylgi. Ljóst er að nýr oddviti mun leiða lista flokksins í borgarstjórnarkosningunum í maí þar sem Þórdís Lóa Þórhallsdóttir tilkynnti á síðasta ári að hún myndi ekki sækjast eftir endurkjöri. Viðreisn var í meirihluta þar til Einar Þorsteinsson sleit meirihlutasamstarfi í febrúar í fyrra.

Fréttin hefur verið leiðrétt. Fyrst stóð að prófkjörið hæfist á miðnætti en það hefst á miðnætti á morgun.