Rose hengdur upp í rjáfur í Chicago

Rose er aðeins fimmti leikmaðurinn í sögu Bulls sem fær treyju hengda upp í rjáfur. Jerry Sloan #4 og Bob Love #10 höfðu áður hlotið heiðurinn en þeir síðustu sem sáu treyju sína hengda voru Michael Jordan #23 og Scottie Pippen #33.

Einnig hafa fyrrum þjálfarinn Phil Jackson og fyrrum framkvæmdastjórinn Jerry Krause fengið sérstaka borða setta upp í þakskeggið. Þeir eru mennirnir sem yfirsáu velgengni liðsins á tíunda áratug síðustu aldar.

Derrick Rose var valinn fyrstur í nýliðavalinu 2008 af Chicago Bulls, liðinu í hans heimabæ, og sem einn af þeirra eigin varð Rose fljótt vinsælasti leikmaður borgarinnar.

Hann var valinn nýliði ársins á sínu fyrsta tímabili og tímabilið 2010-2011 varð hann sá yngsti í sögunni til að vera valinn verðmætasti leikmaður deildarinnar. Þá hafði hann þrisvar verið valinn í stjörnulið NBA.

Árið eftir, í úrslitakeppninni 2012, sleit hann krossband í vinstra hné eftir að hafa hoppað upp í eina af sínum frægu troðslum. Hnémeiðsli hrelltu hann það sem eftir lifði ferilsins.

Rose fór frá Chicago Bulls árið 2016 og flakkaði milli liða, aldrei lengur en tvö tímabil á sama stað. Hann naut endurnýjunar lífdaga hjá Minnesota Timberwolves og var mikilvægasti varamaður liðsins tímabilið 2018-19. Ferlinum lauk svo hjá Memphis Grizzlies árið 2024.