„Þegar maður spilar á móti karli er á­kefðin allt önnur“

Sabalenka hóf keppnistímabilið 2026 með afar öruggum sigri á Cristinu Bucsa sem hún vann 6-1 og 6-0 og var aðeins 47 mínútur að tryggja sér afar sannfærandi sigur. Hún hefur aldrei verið fljótari að afgreiða leik.

Sabalenka, sem er í efsta sæti heimslistans kvenna, tapaði 6-3, 6-3 fyrir tenniskarlinum Nick Kyrgios í sýningarleik í Dúbaí í síðasta mánuði, í leik sem vakti mikla athygli.

Sabalenka, sem er fjórfaldur risamótsmeistari, sagði að leikurinn hefði hjálpað henni með líkamlegt form sitt eftir að hún vann spænsku Bucsa, sem er í 28. sæti heimslistans.

„Þegar maður spilar á móti karli er ákefðin allt önnur,“ sagði Sabalenka.

„Sérstaklega þegar það er Nick, sem er með „drop-shot“ í öðru hverju höggi, þá hreyfir maður sig mikið, svo þetta var frábær líkamsrækt fyrir mig,“ sagði Sabalenka.

Leikurinn var harðlega gagnrýndur og Wimbledon-meistarinn Iga Swiatek sagði í vikunni að hann hefði „ekkert með félagslegar breytingar að gera“, í kjölfar upprunalegu „Baráttu kynjanna“ milli Billie Jean King og Bobby Riggs árið 1973.

En Sabalenka sagði að leikurinn hefði beint svo mörgum augum að tennis eins og hún orðaði það.

„Þetta snerist ekki um að sanna eitthvað fyrir neinum. Þetta snerist um að sýna að tennisleikur getur verið virkilega stór. Þessi sýningarleikur var skemmtilegur og þetta var frábær áskorun,“ sagði Sabalenka.

Sabalenka, sem sat hjá í fyrstu umferð í Brisbane, mun mæta Sorönu Cirstea frá Rúmeníu í þriðju umferð.

Opna ástralska meistaramótið hefst síðan 18. janúar.