Stórskotasýning Sig­tryggs dugði ekki til sigurs

Ísland leiddi með átta stigum, 46-38 í hálfleik, missti forystuna í þriðja leikhluta, vann hana svo aftur í þeim fjórða en náði ekki að halda út. Pólverjarnir tóku fram úr á ný og unnu að lokum tveggja stiga sigur, 92-90.

Craig Pedersen landsliðsþjálfari hvíldi sína bestu leikmenn í dag; Martin Hermannsson, Tryggvi Hlinason, Ægir Þór Steinarsson og Elvar Már Friðriksson spiluðu ekki.

Sigtryggur Arnar nýtti tækifærið og skaut Pólverjana í kaf í fyrri hálfleik, setti niður sex þrista úr jafnmörgum tilraunum. Sjöunda tilraunin, í upphafi seinni hálfleiks, fór sömuleiðis ofan í körfuna en eftir það hægðist á honum og öllu íslenska liðinu í leiðinni.

Landsliðið heldur nú heim til Íslands en fer aftur út 12. - 16. ágúst til Portúgal og spilar æfingaleiki við heimamenn og Svíþjóð.

Þaðan fara þeir aftur til Íslands og æfa, áður en förinni er heitið til Litaén í fleiri æfingaleiki.

Allir þessir æfingaleikir eru hluti af undirbúningi liðsins fyrir Evrópumótið í körfubolta sem fram fer 27. ágúst til 14. september. Þar leikur Ísland í D-riðlinum, sem verður spilaður í Póllandi og inniheldur Frakkland, Slóven­íu, Belg­íu, Ísra­el og heimamenn Póllands.