Góð­hjartaður dýrahirðir og tæknigúrú

Jóhann var þekktur í sveitinni fyrir tæknikunnáttu sína og gengu sögur af afrekum hans um sveitina, sem hann sagði þó að væru ekki allar sannar. Hann dreymdi engu að síður um að smíða eilífðarvél.

Annar áhugaverður maður var Högni á Krossi sem var mikill dýravinur. Það tók nokkra daga að sannfæra hann um að leyfa þeim RAX og Guðna að hitta hann, taka við hann viðtal og taka af honum myndir.

Högni var ekki mjög hrifinn af heimsókn þeirra félaga en þegar þeir fóru saman í fjárhúsin þá mildaðist Högni og varð ræðnari. Hann vildi ekki slátra fénu sínu og þótti vænt um allar kindurnar sínar.

Söguna af Jóa og eilífðarvélinni og Högna á Krossi má sjá í spilaranum hér fyrir neðan.

Hér fyrir neðan má sjá fleiri þætti úr smiðju RAX.

RAX var eitt sinn bent á mann að nafni Jónmundur sem var sagður hafa 9 líf því hann hafði lent í meiri hrakföllum en flest okkar. Ragnar fékk að mynda Jónmund og heyra hrakfalla sögur hans.

RAX hefur hitt nokkra einbúa sem margir hverjir hafa fullt að segja en heyrist sjaldan í, eins og RAX kemst að orði. Meðal þeirra er Fríða í Dagverðargerði sem bjó ein ásamt kettinum sínum og lá ekki á glettnum skoðunum sínum. RAX hitti líka ekkjumanninn Jón í Gautsdal sem var ekki draughræddur þó hann byggi afskekkt og hefði ekki sjónvarp sér til félagsskapar, en hræðsluleysið kom sér vel þegar hann upplifið tveggja ára tímabil þar sem hann var skyggn.

Lokinhamradalur er fallegur en afskekktur dalur á Vestfjörðum. Í dalnum bjuggu tveir einbúar, Sigurjón á bænum Lokinhömrum, og Sigríður á Hrafnabjörgum. Aðeins voru 300 - 400 metrar og einn lækur á milli bæjanna.