Endur­skipu­leggja reksturinn „í vin­semd og virðingu“

Þetta kemur fram í tilkynningu frá Atelier Agency. Þar segir að Guðmundur og Kristjana hafa tekið ákvörðunina um endurskipulagninu sameiginlega en Atelier var stofnuð í mars 2025.

Sjá einnig: Opnar umboðsskrifstofu með Gumma kíró

Þá segir að Guðmundur muni halda áfram að leiða Atelier en að Kristjana muni einbeita sér að Fura media þar sem hún verður framkvæmdastjóri. Um leið stígur hún til hliðar sem umboðsmaður Gumma Kíró en hún hefur sinnt því starfi síðasta árið.

Auk þess að vera umboðsskrifstofa mun Fura bjóða upp á ráðgjöf um það hvernig hægt sé að nýta samfélagsmiðla í öflugt markaðsstarf. Markmið fyrirtækisins er að „efla samstarf milli fyrirtækja og áhrifavalda, veita markvissa ráðgjöf, og styðja við markaðsstarf með sérfræðiþekkingu í tengslum við áhrifavalda, hlaðvörp og markaðssetningu.“

„Við höfum átt fallega vegferð saman“

„Þau Guðmundur og Kristjana leggja áherslu á að þetta skref sé tekið í vinsemd og virðingu. Þau segjast bæði hlakka til að þróa sínar leiðir áfram, hvert með sínar áherslur, og stuðla þannig að fjölbreyttri þjónustu hér á landi í þessum vaxandi geira,“ segir í tilkynningunni.

Áhrifavaldarnir sem fylgja yfir til Fura media eru: Fanney Dóra, Helgi Ómars, Patrekur Jaime, Binni Glee, Rósmarý Kristín og Steffý. Hjá Atelier verða áfram áhrifavaldarnir: May, Nadía Sif, Rúnar Bjarna, Kara Lind og Lilja Marín.

„Við höfum átt fallega vegferð saman og kaflaskiptin núna eru til marks um traust, vöxt og skýran fókus,” segir Guðmundur.