Bylgjulestin og dásamlegur götubiti í Hljómskálagarðinum

Bylgjulestin 18. júlí 2025 13:21

Götubitahátíðin hefst í dag föstudag og stendur yfir til sunnudags. Hljómskálagarðurinn verður fullur af girnilegum matarvögnum og skemmtileg afþreying er í boði fyrir fjölskylduna. Bylgjulestin mætir í garðinn á laugardag og verður í beinni útsendingu á Bylgjunni milli kl. 12 og 16. Mynd/Götubitinn.

Götubitahátíðin verður haldin í Hljómskálagarðinum í Reykjavík um helgina en hún er stærsti matarviðburður landsins. Bylgjulestin mætir í garðinn á laugardag og verður í beinni útsendingu á Bylgjunni milli kl. 12 og 16.

Það verða þau Kristín Ruth og Svali sem sjá um Bylgjulestina á laugardag og taka þau púlsinn á hátíðinni og fá góða gesti í heimsókn. Það verður fullt af skemmtilegum gjöfum og glaðning í boði Bylgjunnar og boðið verður upp á andlitsmálningu fyrir krakkana.

Svali Kaldalóns og Kristín Ruth sjá um Bylgjulestinga á laugardag.

Á Götubitahátíðinni verða yfir 40 söluaðilar, matarvagnar, sölubásar og leiktæki. Plötusnúður verður á staðnum og keppt verður um titilinn Besti götubiti Íslands 2025 og Götubita fólksins. Það er óhætt að lofa einstakri matarupplifun um helgina! ! Opið er frá kl. 17-20 í dag föstudag, frá kl. 12-20 á morgun laugardag og frá kl. 12 – 18 á sunnudag.

Samstarfsaðilar Bylgjulestarinnar verða með í för. Sjóvá og Samgöngustofa munu fjalla um umferðaröryggi, Topptjöld og vagnar verða með iKamper vagn til sýnis, 7up Zero gefur gestum frískandi drykki, bílaumboðið Askja verður með bílasýningu og gjafapokarnir frá Bylgjunni verða að sjálfsögðu á sínum stað með 7up Zero pink, nammi frá Danól og varningi frá Bylgjunni.

Næstu áfangastaðir Bylgjulestarinnar í sumar:

19. júlí Hljómskálagarðurinn

26. júlí Vaglaskógur

Bylgjan Bylgjulestin Reykjavík