Sví­þjóð örugg­lega á­fram í átta liða úr­slit

Svíþjóð tryggði sér örugglega sæti í átta liða úrslitum Evrópumóts kvenna í kvöld þegar liðið lagði Pólland nokkuð þægilega 3-0.

Svíar voru mun sterkari aðilinn í leiknum og voru varnarmenn Pólverja ítrekað í stökustu vandræðum með sóknarmenn Svíþjóðar. Stina Blackstenius, leikmaður Arsenal, skoraði fyrst mark leiksins á 28. mínútu en það reyndist eina mark fyrri hálfleiks.

Kosovare Asllani átti frábæran leik fremst á miðjunni hjá Svíþjóð en hún skoraði annað mark Svíþjóðar á 52. mínútu og lagði hún jafnframt upp mark Blackstenius. Lina Hurtig innsiglaði svo sigur Svíþjóðar með skallamarki eftir hornspyrnu á 77. mínútu.

Svíar eru eftir leikinn með fullt hús stiga í C-riðli líkt og Þjóðverjar, sem þýðir að báðir þjóðir eru öruggar áfram, enda Pólland og Danmörk bæði án stiga þegar einn leikur er eftir.