„KR-ingar stundum sjálfum sér verstir“

Valur skoraði snemma og héldu því tempói mest allan leikinn. Þetta er frammistaða sem ætti að næra.

„Hrós á KR-ingana, þeir eru ótrúlega góðir. Þó að tölurnar sýna að þetta hafi verið leikur í léttari kantinum, þá var það alls ekki. KR-ingarnir frábærir en kannski stundum sjálfum sér verstir, og við erum með góða leikmenn sem kunna að refsa,“ sagði Kristinn.

Valur hefur ekki tapað fyrir KR síðan 2022 og það virðist eins og þeir séu komnir með tak á þeim.

„Það virðist vera, allavega þangað til að við töpum á móti þeim. Vonandi verður langt í það,“ sagði Kristinn.

Valur heldur sér innan seilingar í toppbaráttunni með þessum sigri, en þeir ætla sér að berjast til enda.

„Við ætlum að taka þátt í þessu móti og við þurfum bara að halda áfram að vinna leiki. Þau lið sem eru fyrir ofan okkur, þau gera það og við þurfum bara að halda áfram og gefa í ef eitthvað er,“ sagði Kristinn.