Sig­tryggur Arnar fram­lengdi við Tinda­stól

Nýi samningurinn nær yfir næstu tvö tímabil eða fram á sumar 2027.

Sigtryggur Arnar er 32 ára gamall og lykilmaður í vörn og sókn Stólanna undanfarin ár.

Sigtryggur Arnar hefur spilað sex tímabil með Tindastól en hann kom aftur til félagsins sumarið 2021 eftir tvö ár í Grindavík.

Hann er stigahæsti leikmaður Tindastóls í úrslitakeppni frá upphafi með 822 stig í 53 leikjum og sá áttundi stigahæsti hjá félaginu í deildarleikjum með 1472 stig í 106 leikjum.

Sigtryggur Arnar varð Íslandsmeistari með Tindastól 2023, bikarmeistari 2018 og deildarmeistari síðasta vetur. Hann hefur tapað þrisvar sinnum með félaginu í lokaúrslitum (2019, 2022 og 2025) og einu sinni í bikarúrslitum (2024).