Körfubolti

Dabbi kóngur fram­lengir og Þór sækir tvo frá Sel­fossi

Ágúst Orri Arnarson skrifar
Davíð Arnar og Jóhanna M. Hjartardóttir, formaður körfuknattleiksdeildar Þórs, handsala samninginn.
Davíð Arnar og Jóhanna M. Hjartardóttir, formaður körfuknattleiksdeildar Þórs, handsala samninginn. Þór Þorlákshöfn

Þór Þorlákshöfn hefur gengið frá samningum við þrjá leikmenn fyrir komandi tímabil í Bónus deild karla.

Davíð Arnar Ágústsson, eða Dabbi kóngur eins og hann er yfirleitt kallaður í Þorlákshöfn, framlengdi sinn samning. Þá sótti Þór einnig tvo leikmenn, Ísak Júlíus Perdue og Skarphéðin Árna Þorbergsson, úr liði Selfoss sem endaði í níunda sæti næstefstu deildar á síðasta tímabili. 

„Við bjóðum kappana innilega velkomna í Hamingjuna og hlökkum til að sjá þá á parketinu í vetur“ segir í tilkynningu Þórs sem má sjá hér fyrir neðan.

Davíð Arnar er 190 sentimetra bakvörður, uppalinn í Þorlákshöfn og var hluti af Íslandsmeistaraliði Þórs árið 2021.

Ísak Júlíus er 180 sentimetra bakvörður, einnig uppalinn í Þorlákshöfn og hluti af Íslandsmeistaraliðinu en í mjög litlu hlutverki, enda þá ekki nema átján ára gamall.

Skarphéðinn Árni er tvítugur Selfyssingur sem hefur alla tíð leikið með liðinu í heimabænum.




Fleiri fréttir

Sjá meira


×