Erlent

Aftur hafin leit að Madeleine McCann

Sunna Sæmundsdóttir skrifar
Lögreglan í Portúgal leitar enn á ný að Madeleina McCann sem hvarf þar fyrir 18 árum.
Lögreglan í Portúgal leitar enn á ný að Madeleina McCann sem hvarf þar fyrir 18 árum. Vísir/EPA

Leit að Madeleine McCann sem hvarf fyrir átján árum var tekin upp að nýju í morgun. Þýska og portúgalska lögreglan standa saman að aðgerðinni og leitað verður fram á föstudag.

Christian Brückner sem situr í fangelsi í Þýskalandi fyrir nauðgun er grunaður um aðild að málinu og leitað verður á svæði á milli dvalarstaðar hans í maí 2007, þegar hin þriggja ára Madeleine hvarf, og Ocean Club hótelsins þar sem fjölskylda hennar var í fríi. 

Óhætt er að segja að um eitt umtalaðsta mannhvarfsmál sögunnar sé að ræða en lögreglan efndi síðast til viðamikillar leitar fyrir um tveimur árum nærri stöðuvatni á svæðinu þar sem Brückner varði tíma. 

Lögreglan í Portúgal vinnur með lögreglunni í Þýskalandi að leitinni að Madeleine.Vísir/EPA

Ekki hefur verið gefið upp hvort leitin byggi á nýjum upplýsingum í málinu en Brückner hefur hingað til neitað fyrir hafa numið Madeleine á brott.

Madeleine McCann var þriggja ára þegar hún hvarf í fjölskyldufríi í Portúgal.Vísir/getty
Portúgal Madeleine McCann Erlend sakamál Þýskaland Bretland

Tengdar fréttir

Kona sem sagðist vera Madeleine McCann handtekin

Pólsk kona sem hefur haldið því fram að hún sé Madeleine McCann, bresk stúlka sem hvarf árið 2007 úr fjölskyldufríi á Portúgal, er grunuð um umsáturseinelti sem beinist að McCann-fjölskyldunni.

Mest lesið


Fleiri fréttir

Sjá meira


×

Mest lesið