Sport

Edda Sif fyrst kvenna kjörin for­maður SÍ

Ágúst Orri Arnarson skrifar
Edda Sif Pálsdóttir er íþróttafréttamaður á RÚV.
Edda Sif Pálsdóttir er íþróttafréttamaður á RÚV. RÚV

Edda Sif Pálsdóttir var kjörin formaður Samtaka íþróttafréttamanna til næstu tveggja ára, fyrst kvenna í 69 ára sögu samtakanna. Hún tekur við af Tómasi Þór Þórðarssyni sem gekk úr samtökunum eftir sex ára setu í formannsstólnum.

Edda Sif er íþróttafréttamaður á RÚV og var áður ritari stjórnar Samtaka íþróttafréttamanna frá árinu 2019. Hún er fyrsta konan sem kjörin er formaður síðan samtökin voru stofnuð árið 1956.

Valur Páll Eiríksson, íþróttafréttamaður hjá Sýn, var kjörinn ritari og kemur hann nýr inn í stjórnina. Þá er Þorkell Gunnar Sigurbjörnsson, íþróttafréttamaður hjá RÚV, áfram gjaldkeri. Þorkell hefur átt sæti í stjórninni frá árinu 2013.

Stjórn SÍ: Valur Páll Eiríksson ritari, Edda Sif Pálsdóttir formaður, Þorkell Gunnar Sigurbjörnsson gjaldkeri. SÍ

Varamenn stjórnar eru áfram Sindri Sverrisson hjá Sýn og Einar Örn Jónsson hjá RÚV.

Samtök íþróttafréttamanna voru stofnuð fyrst og fremst til að vinna að betri aðstöðu við störf þeirra á íþróttavettvangi. Fastir félagar með fullum réttindum eru þeir sem hafa það að fullri atvinnu að fjalla um íþróttir í fjölmiðlum.

Samtökin standa að kjöri íþróttamanns ársins og hafa gert frá stofnun.

Íþróttamaður ársins Ríkisútvarpið

Mest lesið


Fleiri fréttir

Sjá meira


×

Mest lesið