Störfum Musk lokið hjá DOGE

Jón Ísak Ragnarsson skrifar 29. maí 2025 15:17

Elon Musk hefur tilkynnt um það að störfum hans hjá DOGE, hagræðingar- og niðurskurðarstofnun Bandaríkjastjórnar, sé lokið. Donald Trump réði Musk til starfa í 130 daga sem sérstakan ráðgjafa um niðurskurð innan stjórnkerfisins.

„Nú er komið að leiðarlokum hjá mér sem sérstakur starfsmaður Bandaríkjastjórnar, og ég vil þakka Donald Trump sérstaklega fyrir tækifærið sem hann gaf mér til að draga úr sóun í ríkisrekstri Bandaríkjanna. DOGE mun halda áfram að styrkjast og sinna þörfum verkefnum í rekstri ríkisins,“ sagði Musk í færslu á X.

As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending.

The @DOGE mission will only strengthen over time as it becomes a way of life throughout the government.
— Elon Musk (@elonmusk) May 29, 2025

Síðastliðinn þriðjudag gagnrýndi Musk fjárlagafrumvarp Trumps, en hann sagði fyrirhuguð útgjöld grafa undan vinnu DOGE og öllum þeim sparnaði sem hefði hlotist af henni.

Musk hefur viðrað áhyggjur sínar af verulegri skuldastöðu Bandaríkjanna og viðvarandi fjárlagahalla.

Elon Musk Bandaríkin Donald Trump

Tengdar fréttir

Ætlar að einbeita sér að Tesla eftir slæmt uppgjör

Elon Musk, einn auðugasti maður heims og náinn bandamaður Donalds Trump, forseta Bandaríkjanna, ætlar að draga verulega úr störfum sínum fyrir Trump í næsta mánuði. Í staðinn ætlar hann að einbeita sér að rekstri rafmagnsbílafyrirtækisins Tesla, sem birti í dag mjög neikvætt ársfjórðungsuppgjör.

22. apríl 2025 22:53

Ætlar að eyða mun minna í pólitíkina

Elon Musk, auðugasti maður heims og náinn bandamaður Donalds Trump, forseta Bandaríkjanna, ætlar að draga úr fjárútlátum sínum til stjórnmálamanna og vegna málefna sem honum eru hugfangin. Hann segist búinn að gera nóg, í bili.

20. maí 2025 20:33

Mest lesið

Fleiri fréttir