Atvinnulíf

Besti svefninn níu mínúturnar á milli snúsa

Rakel Sveinsdóttir skrifar
Rósa Dögg Ægisdóttir, framkvæmdastjóri Reon, rennir yfir dagatalið á morgnana til að vita hvernig hún getur verið klædd. Því ef það eru engir formlegir vinnufundir elskar hún það mest að vera ómáluð í gallabuxum og hettupeysu.
Rósa Dögg Ægisdóttir, framkvæmdastjóri Reon, rennir yfir dagatalið á morgnana til að vita hvernig hún getur verið klædd. Því ef það eru engir formlegir vinnufundir elskar hún það mest að vera ómáluð í gallabuxum og hettupeysu. Vísir/Anton Brink

Rósa Dögg Ægisdóttir, framkvæmdastjóri Reon, fer alltof seint að sofa og er sannfærð um að besti svefninn sinn séu þær níu mínútur sem hún nær á milli snúsa. Rósa segir það visst áhyggjuefni hvernig þriggja ára sonurinn er hættur að vekja foreldrana á skikkanlegum tíma.

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Ég er alltaf með „vara” vekjaraklukku stillta klukkan 7:50, ef minn þriggja ára vekur mig ekki fyrr, sem er orðið allt í einu voða oft. Ég er að njóta þess í botn að hann sé loksins farinn að sofa aðeins lengur. B-týpan ég elskar að fá að “snúsa” og ég á minn besta svefn í þessar níu mínútur á milli snúsa. Svo ég ligg oft hættulega lengi upp í rúmi þar til hann vaknar.

Ég gæti alveg þurft að endurskoða vekjaraklukkuna ef sá litli ætlar að hætta að vekja okkur á skikkanlegum tíma, þetta er alveg klárlega í seinna falli núna og smá hlaup út þó það gangi oftast vel.“

Hvað er það fyrsta sem þú gerir á morgnana?

„Strákurinn minn vill alltaf fara beint fram í sófa í smá knús og ræðum um daginn framundan og ég hjálpa honum að klæða sig. Svo opna ég Nocco og fer að gera mig til fyrir daginn. 

Ég renni alltaf aðeins yfir dagatalið til að vita hvernig ég vil vera klædd og athuga hvert og hvenær ég er að mæta. 

Ég gríp hvert tækifæri til að vera ómáluð í gallabuxum og hettupeysu þegar ég er ekki með neina “bisniss" fundi eða koma fram.

Ef þú værir fræg kvikmyndastjarna, hver værir þú þá?

„Úff, þetta er erfið spurning. Ég hugsa að ef ég þyrfti að velja einhvern þá væri það Natalie Portman. Hún er bæði hugsjónakona og raunsæ og sameinar gáfur og sköpun. Hún þorir að fara ótroðnar slóðir, hvort sem það er í vinnu eða í lífinu, trúir á tilgang og tekur ábyrgð sem eru eiginleikar sem ég tengi við. Svo hefur hún líka talað opinskátt um óöryggi og „imposter syndrome”, en líka um það að læra að treysta sjálfri sér og standa með sínu sem er eitthvað sem ég held að margir tengi við — sérstaklega konur í stjórnunarhlutverkum.“

Uppáhalds app Rósu er Todoist sem hún segir eiginlega ómissandi: Fyrir vinnuna og einkalífið. Nýlega ákvað hún samt líka að hverfa aðeins til fortíðar og fara að nota Munum dagbókina til að forgangsraða verkefnum vikunnar og ákveða þrjú mikilvægustu atriðin til að vinna að daglega. Vísir/Anton Brink

Í hvaða verkefni ertu að vinna helst í þessa dagana?

„Þessa dagana vinn ég hörðum höndum með okkar fólki hjá Reon að koma þremur nýjum stafrænum lausnum á markað sem Reon er annað hvort eigandi að eða samstarfsaðili og svo erum við á leiðinni út með nýja lausn fyrir stóran viðskiptavin.

Starfið mitt er skemmtilega fjölbreytt og krefjandi og það er aldrei neinn dagur eins sem ég dýrka. Síðustu misseri hef ég sett áherslu á að byggja upp öflugt teymi til að taka vörurnar okkar og verkefni á flug eftir mikið vöruþróunar-tímabil. 

Þegar við bætum fólki við teymið okkar legg ég áherslu á að valdefla meðlimi til að taka ákvarðanir og keyra á hlutina. Það tekur tíma og fókus að “synca” fólk saman og fá alla til að sigla í sömu átt og tryggja að starfsfólkið hafi allt sem þau þurfa til að ná árangri.“

Hvernig skipuleggur þú þig í vinnu?

„Mér finnst mikilvægast að hafa skýran fókus og ásetning og þegar ég hef það finnst mér ekkert mál að skipuleggja mig. Með stjórnendateyminu setjum við skýrt „Roadmap” á hverjum ársfjórðungi sem er okkar leiðarvísir og er til þess gerður að færa okkur nær framtíðarsýn Reon. Hver og einn tekur síðan ábyrgð á ákveðnum vörðum og keyrir þær áfram. Svo tökum við regluleg „check-in” til að taka púlsinn. 

Nýlega fór ég aðeins „back to basics” og varð ástfangin af Munum dagbókinni þar sem ég forgangsraða verkefnum vikunnar. Svo ákveð ég þrjú mikilvægustu atriðin til að tækla þann daginn. 

Annars held ég utan um hitt og þetta sem ég þarf að gera í uppáhalds appinu mínu „Todoist” sem mér finnst eiginlega ómissandi tól fyrir mína eigin skipulagningu bæði í vinnu og lífinu almennt.“

Hvenær ferðu að sofa á kvöldin?

„Alltof seint.“


Tengdar fréttir

Að sofna yfir sjónvarpinu á kvöldin telst ekki með

Karitas Ósk Harðardóttir, viðburðarstjóri Innovation Week og einn eigenda brúðkaupsþjónustunnar Stikkfrí, varð eiginlega sjálf hissa á því þegar hún fékk æði fyrir strangheiðarlegum karamellu bakaríssnúðum. Í dag er hún helst með æði fyrir Pilates með vinkonunum.

„Var með skipt í miðju og notaði óhóflegt magn af geli“

Ólafur Karl Sigurðsson, aðstoðarforstjóri KAPP og framkvæmdastjóri KAPP Skagans ehf, hefur aldrei þroskast í að drekka kaffi, en drekkur hins vegar það sem hann kallar unglingakaffi. Ólafur segir eiginkonuna eiga heiðurinn af því hversu vel gengur heima fyrir.

Hressilega kaótískir morgnar sem eiga það til að klikka smá

Eva Þorsteinsdóttir, partner og Senior Account Manager hjá Sahara auglýsingastofu, sefur eins lengi og hún kemst upp með á morgnana. Þegar hún síðan fer loksins fram úr reynir hún að múltítaska eins og vindurinn, með tilheyrandi alls konar.

Hundurinn tannlaus og unglingarnir vaktir með diskaglamri

Tryggvi Björn Davíðsson, framkvæmdastjóri indó, viðurkennir að hann getur uppátækjasamur grallari þegar hann á lausa stund. Ekki síst í vinnunni þar sem honum finnst greinilega gaman að stríða samstarfsfólki sínu.






Fleiri fréttir

Sjá meira


×