Samkvæmt upplýsingum fréttastofu kom málið upp snemma á föstudagsmorgun og var konan leidd fyrir dómara síðar sama dag þar sem hún var úrskurðuð í gæsluvarðhald í tengslum við rannsókn málsins.
Samkvæmt upplýsingum fréttastofu mun málið vera til rannsóknar hjá embætti lögreglunnar á höfuðborgarsvæðinu, en það hefur þó ekki fengist staðfest af hálfu lögreglu. Í samtali við fréttastofu kveðst yfirmaður miðlægrar rannsóknardeildar lögreglu ekkert geta staðfest og verst allra fregna af málinu.
Frekari upplýsingar liggja ekki fyrir að svo stöddu.
Uppfært laugardaginn 13. apríl kl. 09:18:
Í morgun barst tilkynning frá lögreglunni á höfuðborgarsvæði þar sem fram kemur að kona um þrítugt hafi í fyrrakvöld verið úrskurðuð í gæsluvarðhald í Héraðsdómi Reykjaness í fyrrakvöld til miðvikudagsins 16. apríl á grundvelli rannsóknarhagsmuna.
Sjá einnig: Handtekin vegna andláts föðurs síns
Veistu meira um málið? Sendu okkur ábendingu á ritstjorn@visir.is. Fullum trúnaði er heitið.
