Prestur sakar oddvita um ólýðræðislega hallarbyltingu í veiðifélagi Eiður Þór Árnason skrifar 3. apríl 2025 23:35 Haraldur Þór Jónsson, oddviti Skeiða- og Gnúpverjahrepps, við Þjórsá sem verður virkjuð með Hvammsvirkjun. Stöð 2/Sigurjón Oddviti Skeiða- og Gnúpverjahrepps hefur verið kjörinn nýr formaður Veiðifélags Þjórsár. Hann hefur reynt að greiða götu virkjanaframkvæmda í ánni og mætt þar andstöðu veiðifélagsins. Hann boðar stefnubreytingu og segir nýja stjórn félagsins ætla að vinna með Landsvirkjun. Fulltrúi minnihlutans í sveitarstjórn Skeiða- og Gnúpverjahrepps gagnrýnir harðlega að oddvitinn hafi boðið sig fram til formanns og sakar hann um ólýðræðisleg vinnubrögð. Ógerlegt sé fyrir oddvitann að gæta bæði hagsmuna laxastofnsins og vinna að virkjun Þjórsár á vettvangi sveitarstjórnar. Varðar deilan meðal annars hina umdeildu Hvammsvirkjun. Vill að hann segi af sér Sveitarfélagið Skeiða- og Gnúpverjahreppur á land meðfram Þjórsá og hefur því atkvæðisrétt í umræddu veiðifélagi. Axel Á. Njarðvík, prestur og fulltrúi U-lista í minnihluta sagði í bókun sem lögð var fram á fundi sveitarstjórnar að hún hafi samþykkt í mars að veita Haraldi Þóri Jónssyni, oddvita og fulltrúa L-lista, umboð til að fara með atkvæði sveitarfélagsins á aðalfundi veiðifélagsins. Ekki hafi verið minnst á formannsframboð og Haraldi því ekki veitt umboð til þess að bjóða sig fram til stjórnar. Sjálfur segir Haraldur að hann hafi ekki verið búinn að taka ákvörðun um framboð á þessum tíma. Félagsmenn hafi kallað eftir því að hann myndi bjóða sig fram gegn sitjandi formanni og hann ákveðið að verða við því ákalli. Hann sé studdur af meirihluta stjórnar félagsins og formannskjör hans því lýðræðisleg niðurstaða. Axel segir hegðun oddvitans ekki sæma kjörnum fulltrúa. Séð yfir áhrifasvæði Hvammsvirkjunar. Þjórsá verður stífluð á móts við Skarðsfjall, sem sést hægra megin fyrir miðju. Kirkjustaðurinn Stórinúpur lengst til vinstri. Fjær sjást Búrfell fyrir miðri mynd og Hekla til hægri.Landsvirkjun „Ég skora á Harald að segja nú þegar af sér, sem formaður veiðifélags Þjórsár í ljósi þess að hann getur ekki bæði unnið með þeim einbeitta og fyrirliggjandi vilja að virkja Þjórsá við Hvamm, Holt og Urriðafoss og á sama tíma staðið vörð um lífríki laxastofnsins í Þjórsá en veiðifélag Þjórsár sem hann er nú formaður í, hefur bent á það ítrekað að virkjunarframkvæmdir á téðum svæðum geti haft óafturkræf áhrif á gönguleiðir laxfiska og vistkerfi árinnar og þar með alla tilveru laxastofnsins,“ segir í bókun Axels sem lögð var fram á fundi sveitarstjórnar. Axel Á. Njarðvík, prestur og fulltrúi U-lista í sveitarstjórn Skeiða- og Gnúpverjahrepps.Aðsend „Yfirtaka veiðifélagsins með þessum hætti sem var, ber vott um afar ólýðræðisleg vinnubrögð sem er ekki sæmandi kjörnum fulltrúum. Vegferð sem þessi fellur ekki undir eðlilega stjórnsýsluhætti,“ bætir hann við. Axel segir í samtali við fréttastofu að stjórn veiðifélagsins hafi fyrst og fremst barist fyrir því að tryggja öryggi og lífvænleika Þjórsár. Á sama tíma hafi Haraldur „einbeittan vilja til þess að tryggja að þessar virkjanir komist á.“ Hann fari fyrir meirihluta í sveitarstjórn sem hafi áður samþykkt framkvæmdaleyfi fyrir Hvammsvirkjun en þau verið dæmd ógild af dómstólum. Ríkisstjórnin hefur boðað lagabreytingu sem á að tryggja framgang virkjunarinnar. Fyrri formaður lýsti yfir áhyggjum Oddur Bjarnason, fyrrverandi formaður Veiðifélags Þjórsár, hefur lýst yfir áhyggjum af framtíð laxastofnsins í ánni verði áætlanir um Hvammsvirkjun að veruleika þar sem tæplega fjörutíu prósent hrygningarstofns Þjórsár sé á áhrifasvæði virkjunarinnar. Haraldur styður byggingu Hvammsvirkjunar og vill láta reyna á svonefnda seiðfleytu sem hönnuð hefur verið fyrir virkjunina. Um er að ræða mótvægisaðgerð sem er ætlað að tryggja göngur laxaseiða niður ánna sem myndu annars fara í gegnum aflvélar virkjunarinnar. Haraldur Þór Jónsson, oddviti Skeiða og Gnúpverjahrepps.Vísir/Magnús Hlynur „Stjórnin hefur lagt mikinn þunga í það síðustu misserin að berjast gegn Hvammsvirkjun. Það er löngu búið að taka ákvörðun um Hvammsvirkjun, það er búið að gefa út leyfi, það liggur fyrir frumvarp um breytingar á lögum á þingi og svo framvegis,“ segir Haraldur í samtali við fréttastofu. Nú séu til umfjöllunar á Alþingi hugmyndir um næstu virkjanir í Þjórsá, Holtavirkjun og Urriðafossvirkjun. Deilt um seiðafleytu „Það er meirihluti í [stjórn veiðifélagsins] sem telur mikilvægara að horfa til framtíðar í næstu verkefnum. Það eru sannarlega skiptar skoðanir um það hvort seiðafleytan í Hvammsvirkjun muni virka. Það er í raun og veru stóra ádeilan,“ segir Haraldur. Landsvirkjun telji að sú seiðafleyta sem hafi verið hönnuð muni tryggja niðurgöngu seiða og þar af leiðandi muni laxastofninn og lífríkið geta þrífst áfram eftir tilkomu virkjunarinnar. Með seiðafleytu er reynt að búa til leið fyrir laxaseiðin og er henni ætlað að draga sem mest úr því að seiði tefjist þegar þau ganga niður til sjávar, að því er fram kemur á vef HÍ. Hvammsvirkjun hefur verið umdeild í Skeiða- og Gnúpverjahreppi.Vísir/Magnús Hlynur Vilji bíða og sjá Haraldur segir liggja fyrir að það muni taka um fimm ár frá því að Hvammsvirkjun er gangsett þar til í ljós komi hvort seiðafleytan skili viðunandi árangri. „Við teljum einfaldlega að það sé mikilvægara að koma þeim sjónarmiðum á framfæri að áður en það verður haldið áfram að virkja neðar í ánni, næstu tvær virkjanir, að við fáum þá allavega fyrst vissu um það hvort seiðafleytan í Hvammsvirkjun muni virka.“ Seiðafleytan yrði sú fyrsta sem sett er upp hér á landi. „Ef hún virkar vel þá er engin fyrirstaða fyrir því að halda áfram að virkja ánna. Aftur á móti ef seiðafleytan virkar ekki þá teljum við mikilvægt að málið verði raunverulega metið að nýju. Þá þurfi þingið að taka ákvörðun sem byggir bara á því hvort það á að taka fiskistofninn í Þjórsá af lífi eða ekki,“ segir Haraldur, oddviti í Skeiða- og Gnúpverjahrepp og formaður Veiðifélags Þjórsár. Deilur um Hvammsvirkjun Skeiða- og Gnúpverjahreppur Lax Umhverfismál Orkumál Mest lesið Skvísur geti virkað sem hálfgerðir þroskaþjófar Innlent Ráðgjafinn ráðinn í tímabundið starf eftir dýra skreppitúra Innlent Heitavatnslaust á Suðurnesjum og rafmagnslaust víða um land Innlent Hljóp út í örvæntingu „með lífið í poka“ Erlent Skreppiferðir í Jysk meðal þess sem ráðgjafi rukkaði fyrir Innlent Réttað yfir tíu sem segja frönsku forsetafrúna vera karlmann Erlent Misvægi atkvæða bitnar mest á Kraganum Innlent „Ég tel ekki tilefni til að íhuga stöðu mína“ Innlent Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Fleiri fréttir Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Sjá meira
Fulltrúi minnihlutans í sveitarstjórn Skeiða- og Gnúpverjahrepps gagnrýnir harðlega að oddvitinn hafi boðið sig fram til formanns og sakar hann um ólýðræðisleg vinnubrögð. Ógerlegt sé fyrir oddvitann að gæta bæði hagsmuna laxastofnsins og vinna að virkjun Þjórsár á vettvangi sveitarstjórnar. Varðar deilan meðal annars hina umdeildu Hvammsvirkjun. Vill að hann segi af sér Sveitarfélagið Skeiða- og Gnúpverjahreppur á land meðfram Þjórsá og hefur því atkvæðisrétt í umræddu veiðifélagi. Axel Á. Njarðvík, prestur og fulltrúi U-lista í minnihluta sagði í bókun sem lögð var fram á fundi sveitarstjórnar að hún hafi samþykkt í mars að veita Haraldi Þóri Jónssyni, oddvita og fulltrúa L-lista, umboð til að fara með atkvæði sveitarfélagsins á aðalfundi veiðifélagsins. Ekki hafi verið minnst á formannsframboð og Haraldi því ekki veitt umboð til þess að bjóða sig fram til stjórnar. Sjálfur segir Haraldur að hann hafi ekki verið búinn að taka ákvörðun um framboð á þessum tíma. Félagsmenn hafi kallað eftir því að hann myndi bjóða sig fram gegn sitjandi formanni og hann ákveðið að verða við því ákalli. Hann sé studdur af meirihluta stjórnar félagsins og formannskjör hans því lýðræðisleg niðurstaða. Axel segir hegðun oddvitans ekki sæma kjörnum fulltrúa. Séð yfir áhrifasvæði Hvammsvirkjunar. Þjórsá verður stífluð á móts við Skarðsfjall, sem sést hægra megin fyrir miðju. Kirkjustaðurinn Stórinúpur lengst til vinstri. Fjær sjást Búrfell fyrir miðri mynd og Hekla til hægri.Landsvirkjun „Ég skora á Harald að segja nú þegar af sér, sem formaður veiðifélags Þjórsár í ljósi þess að hann getur ekki bæði unnið með þeim einbeitta og fyrirliggjandi vilja að virkja Þjórsá við Hvamm, Holt og Urriðafoss og á sama tíma staðið vörð um lífríki laxastofnsins í Þjórsá en veiðifélag Þjórsár sem hann er nú formaður í, hefur bent á það ítrekað að virkjunarframkvæmdir á téðum svæðum geti haft óafturkræf áhrif á gönguleiðir laxfiska og vistkerfi árinnar og þar með alla tilveru laxastofnsins,“ segir í bókun Axels sem lögð var fram á fundi sveitarstjórnar. Axel Á. Njarðvík, prestur og fulltrúi U-lista í sveitarstjórn Skeiða- og Gnúpverjahrepps.Aðsend „Yfirtaka veiðifélagsins með þessum hætti sem var, ber vott um afar ólýðræðisleg vinnubrögð sem er ekki sæmandi kjörnum fulltrúum. Vegferð sem þessi fellur ekki undir eðlilega stjórnsýsluhætti,“ bætir hann við. Axel segir í samtali við fréttastofu að stjórn veiðifélagsins hafi fyrst og fremst barist fyrir því að tryggja öryggi og lífvænleika Þjórsár. Á sama tíma hafi Haraldur „einbeittan vilja til þess að tryggja að þessar virkjanir komist á.“ Hann fari fyrir meirihluta í sveitarstjórn sem hafi áður samþykkt framkvæmdaleyfi fyrir Hvammsvirkjun en þau verið dæmd ógild af dómstólum. Ríkisstjórnin hefur boðað lagabreytingu sem á að tryggja framgang virkjunarinnar. Fyrri formaður lýsti yfir áhyggjum Oddur Bjarnason, fyrrverandi formaður Veiðifélags Þjórsár, hefur lýst yfir áhyggjum af framtíð laxastofnsins í ánni verði áætlanir um Hvammsvirkjun að veruleika þar sem tæplega fjörutíu prósent hrygningarstofns Þjórsár sé á áhrifasvæði virkjunarinnar. Haraldur styður byggingu Hvammsvirkjunar og vill láta reyna á svonefnda seiðfleytu sem hönnuð hefur verið fyrir virkjunina. Um er að ræða mótvægisaðgerð sem er ætlað að tryggja göngur laxaseiða niður ánna sem myndu annars fara í gegnum aflvélar virkjunarinnar. Haraldur Þór Jónsson, oddviti Skeiða og Gnúpverjahrepps.Vísir/Magnús Hlynur „Stjórnin hefur lagt mikinn þunga í það síðustu misserin að berjast gegn Hvammsvirkjun. Það er löngu búið að taka ákvörðun um Hvammsvirkjun, það er búið að gefa út leyfi, það liggur fyrir frumvarp um breytingar á lögum á þingi og svo framvegis,“ segir Haraldur í samtali við fréttastofu. Nú séu til umfjöllunar á Alþingi hugmyndir um næstu virkjanir í Þjórsá, Holtavirkjun og Urriðafossvirkjun. Deilt um seiðafleytu „Það er meirihluti í [stjórn veiðifélagsins] sem telur mikilvægara að horfa til framtíðar í næstu verkefnum. Það eru sannarlega skiptar skoðanir um það hvort seiðafleytan í Hvammsvirkjun muni virka. Það er í raun og veru stóra ádeilan,“ segir Haraldur. Landsvirkjun telji að sú seiðafleyta sem hafi verið hönnuð muni tryggja niðurgöngu seiða og þar af leiðandi muni laxastofninn og lífríkið geta þrífst áfram eftir tilkomu virkjunarinnar. Með seiðafleytu er reynt að búa til leið fyrir laxaseiðin og er henni ætlað að draga sem mest úr því að seiði tefjist þegar þau ganga niður til sjávar, að því er fram kemur á vef HÍ. Hvammsvirkjun hefur verið umdeild í Skeiða- og Gnúpverjahreppi.Vísir/Magnús Hlynur Vilji bíða og sjá Haraldur segir liggja fyrir að það muni taka um fimm ár frá því að Hvammsvirkjun er gangsett þar til í ljós komi hvort seiðafleytan skili viðunandi árangri. „Við teljum einfaldlega að það sé mikilvægara að koma þeim sjónarmiðum á framfæri að áður en það verður haldið áfram að virkja neðar í ánni, næstu tvær virkjanir, að við fáum þá allavega fyrst vissu um það hvort seiðafleytan í Hvammsvirkjun muni virka.“ Seiðafleytan yrði sú fyrsta sem sett er upp hér á landi. „Ef hún virkar vel þá er engin fyrirstaða fyrir því að halda áfram að virkja ánna. Aftur á móti ef seiðafleytan virkar ekki þá teljum við mikilvægt að málið verði raunverulega metið að nýju. Þá þurfi þingið að taka ákvörðun sem byggir bara á því hvort það á að taka fiskistofninn í Þjórsá af lífi eða ekki,“ segir Haraldur, oddviti í Skeiða- og Gnúpverjahrepp og formaður Veiðifélags Þjórsár.
Deilur um Hvammsvirkjun Skeiða- og Gnúpverjahreppur Lax Umhverfismál Orkumál Mest lesið Skvísur geti virkað sem hálfgerðir þroskaþjófar Innlent Ráðgjafinn ráðinn í tímabundið starf eftir dýra skreppitúra Innlent Heitavatnslaust á Suðurnesjum og rafmagnslaust víða um land Innlent Hljóp út í örvæntingu „með lífið í poka“ Erlent Skreppiferðir í Jysk meðal þess sem ráðgjafi rukkaði fyrir Innlent Réttað yfir tíu sem segja frönsku forsetafrúna vera karlmann Erlent Misvægi atkvæða bitnar mest á Kraganum Innlent „Ég tel ekki tilefni til að íhuga stöðu mína“ Innlent Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Fleiri fréttir Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Sjá meira