Handbolti

Ómar Ingi og Gísli Þor­geir fóru mikinn í Búkarest

Runólfur Trausti Þórhallsson skrifar
Ómar Ingi átti virkilega góðan leik.
Ómar Ingi átti virkilega góðan leik. Javier Borrego/Getty Images

Magdeburg er í góðri stöðu eftir fyrri leik sinn gegn Dinamo Búkarest í 16-liða úrslitum Meistaradeildar Evrópu í handbolta. Landsliðsmennirnir Ómar Ingi Magnússon og Gísli Þorgeir Kristjánsson sýndu hvað í þá er spunnið í leiknum.

Það var snemma ljóst hvort liðið væri tilbúnar í slaginn en gestirnir í Magdeburg leiddu oftar en einu sinni með sjö mörkum í leiknum. Góður endasprettur heimamanna minnkaði muninn niður í fjögur mörk, lokatölur 26-30.

Ómar Ingi var markahæstur í liði Magdeburgar með sex mörk á meðan Gísli Þorgeir skoraði fjögur og gaf eina stoðsendingu. Hjá heimamönnum skoraði Haukur Þrastarson eitt mark og gaf eina stoðsendingu.

Síðari leikur liðanna fer fram í næstu viku. Sigurvegarinn í einvíginu mætir Íslendingaliði Veszprém í 8-liða úrslitum.

Handbolti Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið