Í tilkynningu Liverpool um samninginn kemur lengd samningsins við Adidas ekki fram en að hann sé til langs tíma. Liverpool skiptir því úr Nike yfir í Adidas fyrir næstu leiktíð.
The Athletic segir frá því að Liverpool hafi fengið um 60 milljónir punda, rúmlega tíu og hálfan milljarð króna, árlega vegna samningsins við Nike undanfarin fimm ár en samstarfið við Adidas feli í sér töluverð hærri greiðslur til félagsins.
Áður lék Liverpool í Adidas frá 1985 til 1996 og aftur frá 2006 til 2012.
Liverpool leikur áfram í treyjum frá Nike út yfirstandandi leiktíð áður en samningurinn við Adidas tekur gildi 1. ágúst næst komandi.
Liverpool er á toppi ensku úrvalsdeildarinnar, með 15 stiga forskot á Arsenal sem er í öðru sæti. Á þriðjudag spilar liðið við Paris Saint-Germain í seinni leik liðanna í 16-liða úrslitum Meistaradeildar Evrópu og mætir Newcastle United í úrslitaleik deildabikarsins á sunnudaginn.
Vera má því að liðið vinni til þriggja titla á síðustu leiktíð liðsins í Nike-treyjunum.
Liverpool Football Club and adidas have agreed a new multi-year partnership that will see the sportswear giant once again become the club's official kit partner from 1st August 2025 🔴
— Liverpool FC (@LFC) March 10, 2025
