Mögu­lega hafi „eins konar ástar­sorg“ spilað inn í

People ræddi við James Gill, meinafræðiforstjóra í Connecticut-ríki Bandaríkjanna, um andlát hjónanna, sem var uppgötvað í síðustu viku, en talið er að þau hafi verið látin á heimili sínu í Santa Fe, Nýju Mexíkó, um margra daga skeið.

„Miðað við kringumstæðurnar eins og þær birtast okkur nú í upphafi virðist sem hann hafi fallið til jarðar,“ segir Gill.

„Hann átti sögu um hjartasjúkdóma og var með gangráð, þannig það væri ekki óvenjulegt. En það sem er hins vegar óvenjulegt er hvers vegna hnígur hún niður líka? Ef við gefum okkur það að hún hafi fundið hann, þá byrjar maður að velta fyrir sér: Það er til fyrirbæri þar sem streitan af því að sjá einhvern nákominn manni deyja veldur líka mans eigin andláti með náttúrulegum hætti.“

Einnig segir Gill mögulegt að Arkawa hafi dáið á undan og Hackman komið að henni látinni. 

„Það er alveg jafn líklegt. Hann var eldri og hafði glímt við hjartavandamál. Krufningin ætti að leiða í ljós hvort hún hafi verið með veikindi í hjarta, krabbamein, eða eitthvað annað sem hafi dregið hana til dauða.“

Gill segir að vitað sé til þess að náttúrleg andlát tveggja á mjög svipuðum tíma hafi átt sér stað. „Næstum því eins konar ástarsorgar-dæmi.“

„Að skyndilega finna einhvern sem þér þykir vænt um látinn á gólfinu eykur adrenalínið og lætur hjartað þitt slá fastar, og það getur sett hjartað í óreglulegan takt.“

Þó tekur Gill fram að krufningin muni að öllum líkindum leiða sannleikann í málinu í ljós.