Innlent

Silfur­litaða VÆB byltingin tók yfir ösku­daginn: „Þetta er geggjað! Þetta er galið! Þetta er geð­veikt!“

Margrét Helga Erlingsdóttir skrifar
Þessi ungi drengur var með VÆB-ið á tandurhreinu. 
Þessi ungi drengur var með VÆB-ið á tandurhreinu.  Vísir/Sigurjón

VÆB æði hefur gripið yngri kynslóðina og öskudagsbúningar barnanna báru þess sannarlega merki í dag þar víða mátti sjá glitta í speglagleraugu og silfurklæði. Einnig sást til íkorna, Squid Game persóna og Donalds Trump í öskudagsfjöri.

Fréttastofa skellti sér í Kringluna og á öskudagsgleði Nóa Síríus þar sem VÆB strákarnir héldu tvenna tónleika. Fjölmargir voru í VÆB búningum.

VÆB-bræðurnir Hálfdán Helgi og Matthías Davíð.

„Við fáum sendar myndir af fólki í VÆB-göllum. Þetta er bara geggjað! Þetta er galið! Þetta er geðveikt,“ segja bræðurnir.

Það ætlaði allt um koll að heyra þegar VÆB-bræður tróðu upp í Kringlunni og það sama gildir um tvenna tónleika þeirra í höfuðstöðvum Nóa Síríus í dag.Vísir/Sigurjón

Þeir segja að VÆB sé lífsstíll.

„Það stendur náttúrulega fyrir virðingu, æðruleysi og bullandi stemningu!“

Í fréttinni er hægt að sjá viðtalið við VÆB bræðurna og flotta krakka í alls konar skemmtilegum búningum sem gerðu sér lítið fyrir og sungu fyrir fréttateymi Stöðvar 2.

Öskudagur Kringlan Reykjavík Krakkar

Tengdar fréttir

Krakkarnir sjúkir í silfurlitað á öskudaginn

Allt sem gæti minnt á útlit Væb-strákanna í Söngvakeppninni hefur rokið úr Partýbúðinni að sögn verslunarstjóra sem hefur selt alveg gríðarlega mikið af silfurlituðum flíkum og speglagleraugum. Hún segir að meginbreytingin frá fyrri árum sé aukin þátttaka hinna fullorðnu í öskudagsfjörinu.

Svona skiptust atkvæðin í Söngvakeppninni í heild sinni

Lagið Róa bar sigur úr býtum á úrslitakvöldi Söngvakeppninnar 2025 sem fram fór í beinni útsendingu á RÚV síðasta laugardagskvöld. Lagið var hlutskarpast í símakosningu almennings bæði í undankeppninni og lokakeppninni. Þá voru erlendu dómararnir líka ánægðastir með lagið. 

VÆB keppa fyrir hönd Íslands í Eurovision

VÆB eru sigurvegarar Söngvakeppninnar og munu flytja lagið „Róa“ sem framlag Íslands í Eurovision árið 2025. Þeir hlutu flest atkvæði hjá bæði íslensku þjóðinni og alþjóðlegri dómnefnd.

Mest lesið


Fleiri fréttir

Sjá meira


×

Mest lesið