„Pabbi var reiður yfir þessu alla ævi“

Hinn er giftur Ástu Hlín Ólafsdóttur sem starfar sem ljósmóðir en saman eiga þau fjögur börn. Daði er fæddur árið 1971 og alinn upp í Reykholti í Borgarfirði. Hann lærði hagfræði í Noregi og það alveg upp í doktorsgráðu. Daði sótti upphaflega um að komast inn í dýralæknanám í Kaupmannahöfn en endaði á því að sækja um í búvísindafræði á Hvanneyri og fór í það nám.

Leitaði ekki langt að maka

„Ef við vörum yfir lífið mitt þá sjáum við strax að það hefur aldrei verið neitt plan, beygjurnar eru óendanlegar. Ég hef bara kynnst einstaklingum og þeir hafa haft mikil áhrif á það hvernig líf mitt hefur þróast,“ segir Daði sem kynnist manni á Hvanneyri sem varð til þess að hann fór í Hagfræðinám til Noregs.

Daði leitaði ekki langt yfir skammt af maka en hún Ásta er einfaldlega vinkona systur hans.

„Við kynnumst í Árbænum enda var hún mikið heima hjá mér. Ég tók nú ekkert mikið eftir henni á barnaskólaárunum en svo var það eftir menntaskólann sem við fórum að vera saman.“

Ein dóttir þeirra hjóna er samkynhneigð og hefur hanni alltaf verið tekið eins og hún er á heimilinu.

„Pabbi minn, sem er fæddur 1948, var alltaf mjög harður á því að fólk ætti að fá að vera það sjálft. Ég er alinn þannig upp. Pabbi átti æskuvin sem tók sitt eigið líf um það leyti sem ég er að fæðast og pabbi var reiður yfir þessu alla ævi að samfélagið skyldi taka frá honum þennan vin sinn,“ segir Daði en hér að neðan má sjá innslagið í heild sinni.