Sátta­semjari hafi óskað eftir skrif­stofu­stjóra Ást­hildar í Karp­húsið

Þetta seg­ir Ásthild­ur Lóa Þórs­dótt­ir, mennta- og barna­málaráðherra, í sam­tali við Morgunblaðið. 

Hún segist hafa borið beiðni ríkissáttasemjara undir for­sæt­is­ráðherra áður en Hafþór fór í Karphúsið. Hins vegar hafi hvorki hann né nokkur á vegum ráðuneytisins boðið tveggja prósenta hækkun launa.

Hafi ekki talað við kennara né fær þeim bréf

Innt eftir því af blaðamanni mbl hvers vegna rík­is­sátta­semj­ari óskaði eftir aðkomu Hafþórs telur Ásthildur það vera vegna þess hve lausnamiðaður skrif­stofu­stjórinn er. 

Hins vegar segist Ásthildur ekki vita hver aðkoma Hafþórs að deilunni var en sennilega hafi hann upplýst sáttasemjara um sýn ráðuneytisins á málin.

Ásthildur hafnar því jafnframt að Hafþór hafi verið með bréf til kennara og segist ekki skilja hvaðan sögusagnir þess efnis koma. 

Mennta­málaráðuneytið hafi farið yfir hugsanlegar lausnir en aldrei borið þær upp við kennara né talað við þá. Hún hafi sjálf ekki talað við formann Kennarasambandsins né nokkur á hennar vegum.