Töl­fræðin á móti Slóveníu: Mark­varsla og vörn í heimsklassa

Íslenska liðið hélt slóvenska liðinu í átján mörkum með frábærri vörn og stórbrotinni markvörslu Viktors Gísla Hallgrímssonar. Viktor Gísli varð átján skot og fimmtíu prósent skotanna sem komu á hann.

Þetta var þó ekki fullkominn leikur því sóknarleikurinn gekk ekki allt of vel. Mörg dauðafæri fóru forgörðum og sigurinn hefði því getað verið stærri. Það skipti ekki máli því vörnin hélt svo vel og í markinu spilaði Viktor Gísli einn besta leik íslensks markvarðar á stórmóti.

Viktor varði ekki aðeins helming þeirra skota sem hann reyndi við heldur komu mörg þeirra úr algjörum dauðafærum. Hann tók tennurnar endanlega úr Slóvenunum þegar þeir loksins sluppu í gegnum öfluga vörn.

Tóninn var gefin í fyrri hálfleiknum. Varnarleikur íslenska liðsins í fyrri hálfleik var alveg frábær. Liðið stal sjö boltum af Slóvenunum á fyrstu tuttugu mínútum leiksins og flestir skiluðu liðinu marki úr hraðaupphlaupum.

Íslenska liðið vann sjö mínútna kafla 6-0 og komst í 11-4. Á bak við frábæra vörn var Viktor Gísli Hallgrímsson í ham en hann varð tíu af átján skotum Slóvena í fyrri hálfleiknum eða 56 prósent skotanna.

Aron Pálmarsson byrjaði ekki en átti frábæra innkomu um miðja hálfleikinn og var með fjögur mörk, þrjár stoðsendingar og tvo stolna bolta á fimmtán mínútum.

Íslenska vörnin hélt velli í seinni hálfleik og íslenska liðið var 19-10 yfir þegar seinni hálfleikurinn var hálfnaður. Slóvenar löguðu stöðuna í lokin en þá voru bæði Elvar Örn Jónsson og Elliði Snær Viðarsson komnir með rautt spjald.

Viggó Kristjánsson var mikilvægur í sóknarleik íslenska liðsins í seinni hálfleik og tók þá af skarið þegar sóknin var ekki að ganga of vel.

Vísir fylgist vel með tölfræði íslenska liðsins á mótinu og hefur nú tekið saman þá leikmenn sem sköruðu fram úr í tölunum í þessum fyrsta leik Íslands á mótinu.

Hér fyrir neðan má sjá toppa íslenska liðsins í tölfræðinni.