Sport

Egill og Garima tennisfólk ársins

Ágúst Orri Arnarson skrifar
Egill og Garima urðu Íslandsmeistarar utanhúss í sumar.
Egill og Garima urðu Íslandsmeistarar utanhúss í sumar.

Jólabikarmeistaramótið, síðasta tennismót ársins, fór fram í gær. Emilía Eyva Thygesen og Egill Sigurðsson stóðu uppi sem sigurvegarar einliða í meistaraflokki. Sá síðarnefndi var einnig útnefndur tennismaður ársins á lokahófi Tennissambands Íslands. Garima N. Kalugade var tenniskona ársins.

Hún er aðeins þrettán ára en varð Íslandsmeistari annað árið í röð í sumar. 

Emilía Eyva (Víkingur) sigraði Anna Soffía Grönholm (TFK) í úrslitaleik kvenna, 6-3, 6-1 á meðan Egill (Víkingur) vann Raj K. Bonifacius (Víkingur), 6-3, 6-4.

Samtals voru 129 keppendur á Jóla-Bikarmeistaramót TSÍ í tuttugu og fimm mismunandi keppnisgreinum. Yngsti keppandi mótsins var sex ára þátttakandi í mini tennis flokkurinn og sú elsta 65 ára í 50+ keppni.

Andstæðingar í úrslitaleikjunum.
Tennis

Mest lesið


Fleiri fréttir

Sjá meira


×

Mest lesið