Síðasti leikur Þóris með þær norsku verður úr­slita­leikur á EM

Norsku stelpurnar unnu þá mjög sannfærandi átta marka sigur á Ungverjalandi, 30-22 í undanúrslitaleiknum í Vín.

Norska liðið var með frumkvæðið allan leikinn og mæta nú annað hvort Frakklandi eða Danmörku í úrslitaleiknum á sunnudaginn.

Þær norsku komust í 4-1, voru 13-8 yfir og leiddu 13-11 í hálfleik. Noregur skoraði síðan tvö fyrstu mörkin í seinni hálfleik sem kom þeim 15-11 yfir og eftir það var róðurinn þungur hjá ungverska liðinu.

Norska liðið komst átta mörkum yfir, 24-16, og vann að lokum með þessum átta marka mun.

Henny Reistad var atkvæðamest í norska liðinu með sjö mörk en þær Emilie Hovden og Thale Rushfeldt Deila voru með fimm mörk hvor . Katrine Lunde varði líka vel í markinu.

Norsku stelpurnar hafa unnið alla átta leiki sína á mótinu til þessa. Þær höfðu mikla yfirburði í þessum leik og eru líklegar til afreka í úrslitaleiknum.

Þórir er að kveðja norska liðið á þessu móti en hann hefur verið aðalþjálfari liðsins frá árinu 2009.

Úrslitaleikurinn á sunnudaginn verður fjórtándi úrslitaleikur norska liðsins á stórmóti undir hans Þóris.

Liðið hefur unnið fimm af sex úrslitaleikjum sínum á EM undir stjórn Selfyssingsins.