Birgitta prinsessa er látin

Í umfjöllun sænska ríkisútvarpsins er vísað til yfirlýsingar frá Svíakonungi vegna andláts prinsessunnar. Hann segir að hennar verði sárt saknað, hún hafi verið skelegg og framhleypin kona sem allir hafi elskað.

Þá sendir konungurinn börnum Birgittu og barnabörnum hennar samúðarkveðjur sínar. Þegar Birgitta fæddist árið 1937 máttu einungis karlkyns meðlimir sænsku konungsfjölskyldunnar verða erfingjar og því kom hún aldrei til greina sem erfingi krúnunnar á sínum tíma.

Faðir þeirra Karls Gústafs og Birgittu, krónprinsinn Gústav Adolf lést í flug­slysi árið 1947 á Kastrup flug­velli í Kaup­manna­höfn. Hann var á leið frá Amsterdam til Stokk­hólms og vél hans var að milli­lenda í Dan­mörku þegar stýris­búnaður vélarinnar læstist með þeim af­leiðingum að hún hrundi til jarðar. 22 far­þegar voru um borð og létust þeir allir.

Karl Gústaf varð því erfingi krúnunnar níu mánaða gamall. Hann og systur hans þær Birgitta, Margrét prinsessa, Dési­ré­e og Kristína hafa sjaldan rætt föður­missinn opin­ber­lega. Móðir þeirra Si­bylla prinsessa hefur lýst því hvernig ver­öld sín hrundi vegna and­láts Gústavs.