Svartir föstu­dagar í boði ís­lenskra stjórn­valda

Núna eru sumar búðir með útsölu sem kallast:

Svartir föstudagar.

Þar getur þú sparað pening.

Núna vilja íslensk stjórnvöld

loka réttinda-gæslu fatlaðs fólks.

Þá spara stjórnvöld pening.

Þess vegna segir sumt fólk

að stjórnvöld bjóði upp á

Svarta föstudaga.

Hér er texti á auðlesnu máli

um það sem stjórnvöld eru að gera:

Hvað er að gerast?

Á Íslandi er margt fólk

sem vinnur fyrir fatlað fólk.

Til dæmis er skrifstofa

sem passar upp á öryggi

og réttindi fatlaðs fólks.

Þessi skrifstofa er mikilvæg

fyrir Ísland.

Þessi skrifstofa kallast:

Réttinda-gæsla fatlaðs fólks.

Nú vilja stjórnvöld á Íslandi

loka réttinda-gæslunni.

Stjórnvöld á Íslandi

eru ekki búin að láta fatlað fólk vita

hvað mun gerast

þegar réttinda-gæslan lokar.

Þetta er hræðilegt

fyrir Ísland.

Margt fólk mótmælir þessu,

bæði fatlað fólk og ófatlað fólk.

Einn hópur fatlaðs fólks segir:

Þetta er mjög alvarlegt mál.

Þessi hópur er félag

með fötluðu fólki

sem er með þroskahömlun

og skyldar fatlanir.

Þetta félag heitir Átak.

Átak berst fyrir því

að fatlað fólk eigi gott líf.

Án réttinda-gæslu er það erfiðara.

Hvað þarf að gera?

Átak krefst þess að:

● Stjórnvöld leysi málið STRAX.

● Stjórnvöld láti fatlað fólk vita STRAX

hvernig þau ætla að leysa málið.

Stjórnvöld mega ekki taka ákvarðanir

um öryggi og réttindi

fatlaðs fólks

sem gera líf fatlaðs fólks

flóknara og erfiðara

en það er í dag.

Það brýtur samning Sameinuðu þjóðanna.

Skilaboð frá Átaki:

Mannréttindi fatlaðs fólks skipta máli.

EKKERT UM OKKUR ÁN OKKAR!

Höfundur er formaður Átaks