Körfuboltamennirnir sem Nablinn væri mest til í að taka tali

„Ég er búinn að fylgjast með körfubolta lengi og fór að hugsa, hvaða fimm í körfuboltasögu Íslands hefði ég viljað taka viðtal við? Ég var með fullt af nöfnum,“ sagði Andri sem var með þó nokkuð marga Keflvíkinga á listanum, enda þykja þeir frábærir viðmælendur.

„Ég reyndi að hafa ekki bara Keflvíkinga en þetta endaði eiginlega mest þannig.“

Einn erlendur leikmaður

Einn Bandaríkjamaður rataði á listann, Stefan Bonneau, sem Stefán Árni Pálsson gat státað sig af að hafa tekið viðtal við. Ekki nóg með það heldur hefur Stefán líka tekið viðtal við móður hans.

Fannar Ólafsson augljóst val

„Augljósasti kosturinn“ á listanum var Fannar Ólafsson, fimmfaldur Íslandsmeistari með Keflavík og KR, sem skipaði annað sætið hjá Andra.

„Það þarf ekkert að ræða þetta en sæti eitt og tvö er svona, þú hefðir getað bara hent pening upp á það.“

Stórskemmtilegt innslag úr Bónus Körfuboltakvöldi Extra má sjá í spilaranum hér fyrir ofan. Extra þættirnir eru á dagskrá alla þriðjudaga. Körfuboltakvöld gerir upp allar umferðir í Bónus deild karla og er á dagskrá næsta laugardag klukkan 18:35 á Stöð 2 Sport.