Listi Fram­sóknar í Suðurkjördæmi sam­þykktur

Í fjórða sæti er Fida Abu Libdeh, orku- og umhverfistæknifræðingur og í fimmta sæti er Sigurður E. Sigurjónsson, íþrótta- og æskulýðsfulltrúi.

Kjördæmissamband Framsóknar í Suðurkjördæmi samþykkti framboðslista flokksins í Suðurkjördæmi á fjölmennu kjördæmisþingi á Hótel Örk í Hveragerði í dag.

,,Ég er stoltur yfir sterkum lista Suðurkjördæmis með öflugu fólki sem er fjölbreyttur með sterkri liðsheild og var samþykktur á kjördæmisþingi Kjördæmissambands Framsóknarfélaganna í Suðurkjördæmi. Framsókn er tilbúin til að takast á við áskoranir og halda áfram að vinna að lausnum sem bæta samfélagið. Hlakka til næstu daga og vikna,“ sagði Sigurður Ingi Jóhannsson formaður flokksins.

Halla Hrund segist taka við fyrsta sætinu full af auðmýkt og þakklæti.

„Við verðum að passa uppá auðlindir okkar, eignarhald þeirra og ábyrga nýtingu fyrir samfélög um allt land. Það er mitt stóra erindi í pólitík. Hjartað slær sömuleiðis ört fyrir landbúnað með nýsköpun og samvinnu að leiðarljósi,“ sagði Halla Hrund meðal annars í ræðu sinni.

„Framsókn sem er í mínum huga holdgervingur hins dugmikla Íslendings, rödd skynsemi og seiglu á miðjunni sem hefur sýnt að getur unnið þvert á hagsmuni og pólitík. Það er akkúrat það sem við þurfum til sóknar og sátta í heimi þar sem átök og öfgar í umræðu eru sífellt algengari,“ segir Halla.

Listinn í heild sinni er eftirfarandi:

1. Halla Hrund Logadóttir orkumálastjóri Reykjavík
2. Sigurður Ingi Jóhannsson fjármála- og Innviðaráðherra Hrunamannahreppur
3. Jóhann Friðrik Friðriksson alþingismaður og lýðheilsufræðingur Reykjanesbær
4. Fida Abo Libdeh orku- og umhverfistæknifræðingur og frumkvöðull Reykjanesbær
5. Sigurður E. Sigurjónsson íþrótta- og æskulýðsfulltrúi Kirkjubæjarklaustur
6. Halldóra Fríða Þorvaldsdóttir formaður Bæjarráðs & varaþingmaður Reykjanesbær
7. Lilja Einarsdóttir hjúkrunarforstjóri Rangárþing eystra
8. Geir Jón Þórisson fyrrverandi yfirlögregluþjónn Vestmannaeyjar
9. Vilhjálmur R. Kristjánsson þjónustustjóri Grindavík
10. Iða Marsibil Jónsóttir sveitarstjóri og varaþingmaður Grímsnes og Grafningshreppur
11. Margrét Ingólfsdóttir kennari Sveitarfélagið Hornafjörður
12. Anton Kristinn Guðmundsson, bæjarfulltrúi, Suðurnesjabær
13. Ellý Tómasdóttir forvarna- og bæjarfulltrúi, Árborg
14. Einar Freyr Elínarson sveitarstjóri Vík í Mýrdal
15. Ingibjörg Ingvadóttir lögmaður og háskólakennari Þorlákshöfn
16. Hafdís Ásgeirsdóttir deildarstjóri á leikskóla Rangárþingi ytra
17. Jón K. Bragason Sigfússon matreiðslumeistari Bláskógabyggð
18. Drífa Sigfúsdóttir heldri borgari Reykjanesbæ
19. Eiríkur Vilhelm Sigurðsson sviðsstjóri Kömbum Rangárþingi ytra
20. Silja Dögg Gunnarsdóttir viðskiptastjóri og fyrrverandi alþingismaður Reykjanesbær