Tekinn með efni eftir að vinur sló sig í höfuðið með skiptilykli Árni Sæberg skrifar 30. september 2024 11:11 Héraðsdómur Reykjaness dæmdi manninn fyrir brotið en gerði honum enga refsingu. Vísir/Vilhelm Karlmaður á fimmtugsaldri hefur verið sakfelldur fyrir fíkniefnalagabrot með því að hafa haft amfetamín og nokkrar töflur af róandi og kvíðastillandi lyfi í fórum sínum. Lögregla framkvæmdi húsleit heima hjá honum eftir að hann hafði hringt á lögreglu vegna þess að vinur hans hafi slegið sjálfan sig í höfuðið með skiptilykli. Í dómi Héraðsdóms Reykjaness segir að málið hafi verið höfðað á hendur manninum af Lögreglustjóranum á Suðurnesjum fyrir að hafa laugardaginn 8. júlí 2023, á heimili sínu að haft í vörslum sínum 0,43 grömm af amfetamíni og tíu töflur af Alprazolam Krka, sem lögregla fann og haldlagði. Tók sveppi og barði sig í hausinn Í dóminum er málsatvikum lýst svo að laugardaginn 8. júlí 2023 klukkan 08:24 hafi lögregla verið kvödd að heimili mannsins vegna tilkynningar um að þar hefði karlmaður slegið sjálfan sig í höfuð með skiptilykli. Lögreglumenn hafi farið á vettvang og hitt manninn fyrir í íbúð hans á neðri hæð hússins. Þar hafi einnig verið vinur mannsins. Í frumskýrslu lögreglu er haft eftir manninum að hann og vinurinn hafi neytt sveppa um nóttina, og vinurinn í framhaldinu farið að berja sig í höfuðið með skiptilykli og maðurinn þá hringt í lögreglu. Smelluláspoki og lyfjaspjald Á stofuborði hafi verið leifar af fíkniefnum og áhöld til fíkniefnaneyslu. Þegar maðurinn hafi verið spurður hvort önnur fíkniefni væru á heimilinu hafi hann kveðið svo geta verið og þá í litlu magni. Hann hafi heimilað lögreglu húsleit og hún farið fram að honum viðstöddum. Samkvæmt leitarskýrslu hafi meint fíkniefni fundist á nokkrum stöðum, meðal annars hvítt efni í smelluláspokum á sófaborði í stofu og á tölvuskrifborði í stofunni. Á skrifborðinu hafi fundist Alprazolam lyfjaspjald. Í annarro skýrslu séu ljósmyndir af aðkomu lögreglu á vettvang, meðal annars af smelluláspoka og tíu taflna lyfjaspjaldi á skrifborðinu og hvítu efni í plastumbúðum á sófaborði. Ekki nauðsynlegt að vita af vörslunum Í niðurstöðukafla dómsins segir að í málinu liggi fyrir og sé óumdeilt að við húsleit á heimili mannsins hafi fundist 0,43 grömm af amfetamíni og lyfjaspjald með tíu töflum af lyfinu Alprazolam Krka. Við skýrslugjöf hjá lögreglu sama dag hafi hann gengist við því að eiga umræddar töflur en verið loðnari í svörum þegar kom að eignarhaldi á amfetamíninu þótt skýrt kæmi fram að hann hafi vitað um fíkniefnin á heimili sínu og ætlað hluta þeirra og töflurnar til eigin nota. Maðurinn hafi borið með líkum hætti fyrir dómi um að hafa vitað um amfetamínið í íbúð sinni og fengið töflurnar gefins en þó kveðist ekki hafa ætlað að nota töflurnar sjálfur. Það sé ekki skilyrði fyrir vörslum að vörslumaður hafi vitneskju um vörslur sínar. Umrædd fíkniefni og ávana-og fíknilyf hafi verið geymd í íbúð mannsins og því í vörslum hans í skilningi laga um ávana-og fíkniefni. Maðurinn hafi borið hjá lögreglu og fyrir dómi að hann vissi um efnin á heimili sínu og því sé huglægum refsiskilyrðum fullnægt. Beri því að sakfella manninn fyrir þá háttsemi sem hann er borinn í ákæru Minniháttar brot og engin refsing Í kafla dómsins um ákvörðun refsingar segir að maðurinn sé rúmlega fertugur. Samkvæmt sakavottorði hafi hann þann 29. apríl 2024 verið dæmdur í þriggja mánaða fangelsi, skilorðsbundið til tveggja ára, fyrir vörslur fíkniefna í sölu-og dreifingarskyni í þrjú skipti á síðustu þremur árum, samtals ríflega fimm grömm af metamfetamíni, ríflega 13 grömm af amfetamíni, ríflega þrjú grömm af kókaíni og tæplega 15 grömm af maríhúana. Fíkniefnalagabrotið sem maðuinn sé nú sakfelldur fyrir hafi verið framið fyrir uppkvaðningu nefnds dóms og teljist hegningarauki við hann í skilningi almennra hegningarlaga. Hið nýja brot þyki smáfellt og því ekki haldbær ástæða til að taka skilorðsdóminn upp og dæma með máli þessu. Með hliðsjón af refsiákvörðun í þeim dómi og öðru því sem að framan er rakið þyki ekki rétt að gera manninum frekari refsingu í þessu máli. Þá segir að engan sakarkostnað hafi leitt af rannsókn og meðferð málsins. Manninum var þó gert að sæta upptöku á haldlögðum 0,43 grömmum af amfetamíni og tíu töflum af Alprazolam Krka. Fíkniefnabrot Lögreglumál Dómsmál Hafnarfjörður Mest lesið Tveggja vikna tvíburasystrum vísað úr landi Innlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Kom ráðherra á óvart að viðræðum hefði verið slitið Innlent Frelsisflotinn umkringdur og farþegar fluttir til Ísraels Erlent Hafði hvorki þekkingu né umboð til að tjá sig um fjármálin Innlent Telja sig hafa fundið skipið sem skaut drónunum Erlent Tálbeitan ákærð fyrir rangt brot Innlent Gæti stefnt í þungavigtarslag um varaformannsembættið Innlent Jane Goodall látin Erlent Fleiri fréttir Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Sjá meira
Í dómi Héraðsdóms Reykjaness segir að málið hafi verið höfðað á hendur manninum af Lögreglustjóranum á Suðurnesjum fyrir að hafa laugardaginn 8. júlí 2023, á heimili sínu að haft í vörslum sínum 0,43 grömm af amfetamíni og tíu töflur af Alprazolam Krka, sem lögregla fann og haldlagði. Tók sveppi og barði sig í hausinn Í dóminum er málsatvikum lýst svo að laugardaginn 8. júlí 2023 klukkan 08:24 hafi lögregla verið kvödd að heimili mannsins vegna tilkynningar um að þar hefði karlmaður slegið sjálfan sig í höfuð með skiptilykli. Lögreglumenn hafi farið á vettvang og hitt manninn fyrir í íbúð hans á neðri hæð hússins. Þar hafi einnig verið vinur mannsins. Í frumskýrslu lögreglu er haft eftir manninum að hann og vinurinn hafi neytt sveppa um nóttina, og vinurinn í framhaldinu farið að berja sig í höfuðið með skiptilykli og maðurinn þá hringt í lögreglu. Smelluláspoki og lyfjaspjald Á stofuborði hafi verið leifar af fíkniefnum og áhöld til fíkniefnaneyslu. Þegar maðurinn hafi verið spurður hvort önnur fíkniefni væru á heimilinu hafi hann kveðið svo geta verið og þá í litlu magni. Hann hafi heimilað lögreglu húsleit og hún farið fram að honum viðstöddum. Samkvæmt leitarskýrslu hafi meint fíkniefni fundist á nokkrum stöðum, meðal annars hvítt efni í smelluláspokum á sófaborði í stofu og á tölvuskrifborði í stofunni. Á skrifborðinu hafi fundist Alprazolam lyfjaspjald. Í annarro skýrslu séu ljósmyndir af aðkomu lögreglu á vettvang, meðal annars af smelluláspoka og tíu taflna lyfjaspjaldi á skrifborðinu og hvítu efni í plastumbúðum á sófaborði. Ekki nauðsynlegt að vita af vörslunum Í niðurstöðukafla dómsins segir að í málinu liggi fyrir og sé óumdeilt að við húsleit á heimili mannsins hafi fundist 0,43 grömm af amfetamíni og lyfjaspjald með tíu töflum af lyfinu Alprazolam Krka. Við skýrslugjöf hjá lögreglu sama dag hafi hann gengist við því að eiga umræddar töflur en verið loðnari í svörum þegar kom að eignarhaldi á amfetamíninu þótt skýrt kæmi fram að hann hafi vitað um fíkniefnin á heimili sínu og ætlað hluta þeirra og töflurnar til eigin nota. Maðurinn hafi borið með líkum hætti fyrir dómi um að hafa vitað um amfetamínið í íbúð sinni og fengið töflurnar gefins en þó kveðist ekki hafa ætlað að nota töflurnar sjálfur. Það sé ekki skilyrði fyrir vörslum að vörslumaður hafi vitneskju um vörslur sínar. Umrædd fíkniefni og ávana-og fíknilyf hafi verið geymd í íbúð mannsins og því í vörslum hans í skilningi laga um ávana-og fíkniefni. Maðurinn hafi borið hjá lögreglu og fyrir dómi að hann vissi um efnin á heimili sínu og því sé huglægum refsiskilyrðum fullnægt. Beri því að sakfella manninn fyrir þá háttsemi sem hann er borinn í ákæru Minniháttar brot og engin refsing Í kafla dómsins um ákvörðun refsingar segir að maðurinn sé rúmlega fertugur. Samkvæmt sakavottorði hafi hann þann 29. apríl 2024 verið dæmdur í þriggja mánaða fangelsi, skilorðsbundið til tveggja ára, fyrir vörslur fíkniefna í sölu-og dreifingarskyni í þrjú skipti á síðustu þremur árum, samtals ríflega fimm grömm af metamfetamíni, ríflega 13 grömm af amfetamíni, ríflega þrjú grömm af kókaíni og tæplega 15 grömm af maríhúana. Fíkniefnalagabrotið sem maðuinn sé nú sakfelldur fyrir hafi verið framið fyrir uppkvaðningu nefnds dóms og teljist hegningarauki við hann í skilningi almennra hegningarlaga. Hið nýja brot þyki smáfellt og því ekki haldbær ástæða til að taka skilorðsdóminn upp og dæma með máli þessu. Með hliðsjón af refsiákvörðun í þeim dómi og öðru því sem að framan er rakið þyki ekki rétt að gera manninum frekari refsingu í þessu máli. Þá segir að engan sakarkostnað hafi leitt af rannsókn og meðferð málsins. Manninum var þó gert að sæta upptöku á haldlögðum 0,43 grömmum af amfetamíni og tíu töflum af Alprazolam Krka.
Fíkniefnabrot Lögreglumál Dómsmál Hafnarfjörður Mest lesið Tveggja vikna tvíburasystrum vísað úr landi Innlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Kom ráðherra á óvart að viðræðum hefði verið slitið Innlent Frelsisflotinn umkringdur og farþegar fluttir til Ísraels Erlent Hafði hvorki þekkingu né umboð til að tjá sig um fjármálin Innlent Telja sig hafa fundið skipið sem skaut drónunum Erlent Tálbeitan ákærð fyrir rangt brot Innlent Gæti stefnt í þungavigtarslag um varaformannsembættið Innlent Jane Goodall látin Erlent Fleiri fréttir Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Sjá meira