Al­var­legt vinnu­slys í Grinda­vík

Viðbragðsaðilar fóru þegar að vettvang og var viðkomandi fluttur á Landspítala Fossvogi að því er kemur fram í tilkynningu frá lögreglunni á Suðurnesjum.

Lögregla og Vinnueftirlitið rannsaka slysið og segir lögregla að ekki sé hægt að veita frekari upplýsingar að svo stöddu.

Guðmundur P. Davíðsson, stjórnaformaður Ægis sjávarfangs, segir slysið hafa orðið við niðursuðu á þorskalifur.

„Því miður varð slys við vinnslu í verksmiðjunni hjá okkur. Við hörmum það en aðalatriðið er að manneskjan er komin undir læknishendur. Við vitum ekki hversu alvarlegt það er,“ segir hann í samtali við fréttastofu.